سانتياجو يكشف مفاجآت مدوية عن حالة شيكابالا وسر غضب الأباتشي من إدارة الزمالك .. الموت يفجع مدافع الزمالك قبل مباراة انبي

الموت يفجع مدافع الزمالك قبل مباراة انبي
مهاب ممدوح
أعلن، اليوم السبت، محمد عبد الغني لاعب الفريق الأول لكرة القدم بنادي الزمالك وفاة خاله.
ونشر عبد الغني على صفحته على موقع التواصل الاجتماعي «فيسبوك»:
« انا لله وانا اليه راجعون
خالى يحيى في ذمة الله
لله ما أعطى ولله ما أخد وكل شيء عنده بمقدار.
بسم الله الرحمن الرحيم
{ الَّذِينَ إِذَآ أَصٰبَتْهُم مُّصِيبَةٌ قَالُوٓا إِنَّا لِلَّهِ وَإِنَّآ إِلَيْهِ رٰجِعُونَ }
والله إنا على فراقك لمحزونون ولا نقول إلا ما يرضى الله إنا لله وإنا إليه راجعون
أسأل الله العظيم بأسمائه وصفاته العليا أن يتجاوز عن سيئاتك،وأن يغفر لك »
من ناحية أخرى يختتم اليوم السبت الفريق الأول لكرة القدم بنادي الزمالك تدريباته استعدادا للقاء إنبي المرتقب المقرر له غدا الأحد باستاد بتروسبورت في الجولة الحادية والعشرين لمسابقة الدوري المصري الممتاز.
وعقب التدريب سيختار الجهاز الفني للفريق الأبيض بقيادة البرتغالي جوسفالدو فيريرا قائمة الزمالك التي ستنتظم في معسكر مغلق بأحد الفنادق القريبة من ستاد القاهرة الدولي.
صديق شيكا يكشف مفاجآت مدوية عن حالة شيكابالا
كشف أحمد مصطفى الناقد الرياضي المعروف باسم سانتياجو ، الصديق المقرب من شيكابالا قائد الزمالك تفاصيل حالة شيكابالا الصحية الكاملة في الوقت الحالي.
قال أحمد مصطفى في تصريحاته عبر قناة إم بي سي مصر: "شيكا الفترة اللي فاتت كانت صعبة جدا بدأ يتعافى لكن آخر 5 أيام كانوا صعبين جدا وبنسافر معاه في كل حتة في مصر، شوفت في فرحه وتعبه ودي أول مرة أشوف شيكابالا تعبان بالشكل ده"
أضاف: "مكانش حد عارف ايه التعب ده، طلب منه الدكتور محمد أسامة إنه يعمل تحاليل في الدم وكورونا فلما عمل التحاليل دي طلعت نسبة الورم في الجسم كبيرة، والنتيجة كانت سلبية كورونا"
وواصل: "احساس الصداع والهمدان والتعب كان قوي جدا يمكن أكتر من كورونا، ودلوقتي شيكابالا بيتحسن إلى حد ما، ودكتور محمد اسامة قاله انا مش قادر احدد انت عندك ايه لان انا لحد دلوقتي مش عارف انت عندك ايه وعلى طول شيكابالا عنده سخونية وصداع بشكل كامل ونرفزة على أي حد"
تابع: "اللي مضايق شيكابالا اننا بقالنا 10 أيام من ماتش الترجي في تونس، لحد دلوقتي مفيش حاجة نزلت بشكل رسمي من نادي الزمالك، وجمهور الزمالك كان غضبان وفاكر انها نزلة برد عادية ومفيش نزلة برد بتقعد 10 أيام، شيكابالا مش متخانق مع فيريرا والاشاعات دي شيكابالا غضبان منها جدا وفيريرا كلمه اطمن على حالته من 3 أيام وقاله احنا مستنيينك في التمرين"
واختتم سانتياجو : "نادي الزمالك المفروض يطلع بيان رسمي بحالة اللاعب، لكن اللي حصل من قناة الزمالك مينفعش"