مرتضى منصور يعترف بارتكاب العديد من المخالفات ويتوعد وزير الرياضة بمفاجأة من العيار الثقيل

قال مرتضى منصور في فيديو بث عبر حسابه الشخصي على مواقع التواصل الاجتماعي ، احيانا بيكون فيه ناس بتحاول تلهي الشعوب في أي حاجة زى اللى بيعملوا دلوقتي، عمرو أديب مع محمد رمضان، وقصة المخرج محمد سامي، عشان قضية الزمالك تتنسي لكن جمهوره مش هينسى والقصة مش هتخلص.
وواصل، الزمالك وراه جمهور عظيم، والفريق بيكسب باللاعبين اللى مرتضى منصور جايبهم، إنما مين عماد عبدالعزيز ده وهشام، عملوا أيه للزمالك.
وتابع، جمهور الزمالك مشغول بعودة الشرعية لفريقها، رغم ان فيه ناس مكنتش بتحبنى ومرتضى بقى رقم واحد ومش بنزهق وشوف التريندات وأنت تعرف.
وأضاف، عاملك مفاجأة يا أشرف صبحي الفيديو الجاى هيزلزل كيانك، ولو الحكومة محترمة تقولك تروح، وده ملوش علاقة بقضية مرتضى، إنما فيه مفاجأة هى السبب الحقيقي للغل اللى جواك مني وأنك عملت كده.
اقر مرتضى منصور رئيس نادي الزمالك السابق، والموقوف من قبل وزارة الشباب والرياضة بسبب المخالفات المالية، أنه بالفعل أرتكب 3 مخالفات مالية ويعترف بذلك من اصل 60 مخالفة.
وقال مرتضى منصور في تصريحات بثت عبر حسابة الشخصي على مواقع التواصل الاجتماعي، الحاجة الاولى اللى انا غلط فيها ان كان فيه خطأ إجرائي في صرف شيكات للمقاولون العرب والإدارة المالية كانت السبب في المشكلة وفصلتهم وجه عماد عبد العزيز رجعهم تاني.
وتابع الخطأ التاني إن فيه ولد الكهربا جت 44 ألف جنيه فصرفها مرة بأصل الإيصال ومرة بالصورة.
وواصل، الحاجة التالتة الراجل بتاع شركة إبداع جه ركب لافتات في النادي، قالى انا ركبت لافتات بتكلفة مليون و 200 ألف وتم صرف من الخزنة ب مليون و 900 وفي الأصل الراجل خد فى ايده 200 الف بس، وانا حولت المسؤولين عن الواقعة دى للنيابة العامة.
وأتم، أنا أشرف من الجميع وبالفعل أعترف بتلك المخالفات لان الراعي مسؤول عن راعيته، ولن أقول ليس لي ذنب فيهم، لكن أين باقي المخالفات ولماذا لم يتم التحقيق معي.
وأتم، هل من سلطة الأخ عماد أنه يفصل ناس أو يرجع ناس عضويتها مشطوبة، وانت المفروض راجل كنت ماسك ملف الإرهاب وبترجع ناس إرهابيين، وانا مبقتش عارف مين مع مين.