مرتضى منصور برزنتشن "خلصت عليا" بسبب هذا الخطاب والزمالك " ذنبه ايه ." .ويخاطب البكري انتم لجنة تدمير مش تسيير

واصل مرتضى منصور، رئيس الزمالك السابق، خلال الجزء الاخير من مقطع الفيديو على قناة اليوتيوب الخاصة به على مدار ساعة كاملة مهاجمة الدكتور اشرف صبحي، وزير الشباب والرياضة، وتطرق الى الحديث عن شركة برزنتشن الراعي الرسمي لنادي الزمالك، مشيرا إلى أن مطالبته بمستحقات الزمالك، لدي برزنتشن ، التى تخطت ال 100 مليون جنيه وراء قرار تجميد مجلس الزمالك وتعيين لجنة مؤقتة كما لم يسلم المستشار أحمد البكرى، رئيس اللجنة المعينة التى تدير الزمالك حاليا من مهاجمة مرتضى منصور.
مرتضي منصور فين المخالفات اللى على مجلس الزمالك

ووجه مرتضي منصور رسالة إلى الدكتور اشرف صبحي، حيث قال : سيادة الوزير مش من سلطتك تشكل لجنة من غير ما تقولي مخالفاتي القانون بيقول كدة
عندي جواب بعته للمستشار عادل بعبش ، كنت بقوله عايزين 3 مستشارين عشان انتخابات نادي الزمالك في 2017 جالي الرد أن القضاة لا يدخلون في مهاترات
بعت لمجلس الدولة كان نفس الكلام .
وقال مرتضى منصور: بخاطب مجلس القضاء الأعلى... ال 3 اللي جايين يديروا الزمالك، مين يحاسبهم لو ارتكبوا مخالفة ولا هما عشان مستشارين محدش هيحاسبهم
السؤال التاني مجلس القضاء الأعلى .. ال 3 المستشارين ... فيهم واحد بيتشتم كل يوم "احمد البكري" على صفحات الزمالك أليس ذلك إهانة للقضاء ؟
واضاف قرار التعيين ده مجلس إدارة ولا لجنة تسيير .. اللي دورها بس تعين مدير تنفيذي عشان اللي موجود اعتذر .. أومال رجالة عباس اللي رجعوا دول رجعوا ازاي دي مش سلطتك وخرجت عن القرار انت دلوقتي اللي مخالف مش انا .

مرتضي منصور لاحمد البكري : انتم لجنةتدمير مش تسيير
ووجه مرتضي منصور حديثه للمستشار أحمد البكرى، انت بترجع المشطوبين بأي صفة اللي منهم بنات اتمسكوا في أوضاع مش مظبوطة .. انت بأي صفة بتعمل كدة انت مجرد لجنة تسيير مش تدمير .
الشورتات رجعت الزمالك، والسجاير والبانجو واللي بيجمعوا توقيعات جيبنلهم بلطجية
واضاف البكري ، كسر باب مكتبي ودخل استولى على كل حاجتي واغراضي الشخصية، المكتب اللي صارف عليه من جيبي الشخصي .. وبتقول أنا جاي اصلح ما أفسده الضهر.. ضهر ايه اللي هتصلحه أنا عملت نادي عالمي وجبت بطولات وبعمل نادي اكتوبر.
وبدايتك مع النادي خروج مهين من كأس مصر وسبقه خروج ظالم من إفريقيا مع احترامي للأهلي .. الحكم اتغير فجأة والحكم الرابع اتغير .. 20 واحد دخل من الزمالك و5000 آلاف من الاهلي وحكم المباراة يلغي الفار وميحسبش ضربتين جزاء
لان كانت التعليمات واضحة اوعى مرتضى ، يقف على المنصة لانه لو وقف مش هنقدر نفعصه تاني يوم .. وكان التوقيت غبي .. كانوا فاكرين أن الجمهور غبي لكن انتوا اللي اغبية لانكم مادركتوش أن الجمهور معايا .. حتى جمهور الاهلي مش فرحان لانه عارف انها مؤامرة متخطط لها .. قرار عزلي أو تجميدي أنا ومجلسي جه تاني يوم الماتش ؟ مستحيل لأنه كان قرار مسبق .. هل مجلس القضاء الأعلى عين المستشارين في يوم وليلة لا طبعا.. اللي عينهم قبلها باسبوع وهو ما يثبت المؤامرة وتنفيذ وعد المسئول هخلص عليه رياضيا وسياسيا .. طب والزمالك ذنبه ايه ؟؟؟ والجماهير والفرق الرياضية وفريق الكرة ؟؟؟ لا مش مشكلة وقع النادي.. طيب متنساش أن النادي ده وراه جماهير غضبانة .
لاخر لحظة بحافظ على مال النادي ، شركة برزنتيشن اللي تبع الدولة .. الموسم التالت كان عليهم 41 مليون في يوليو 2020 و40 مليون في أغسطس 2020 و30 مليون تاني وصلت المديونية على الشركة 111 مليون
يوم الأحد الساعة 2 الضهر طالبت بفسخ العقد معاهم مخفتش أن الشركة دي تبع مين وبعت جواب عاشت بحافظ على مال النادي اللي هو مال الدولة.. والساعة 8 بالليل المجلس اتحل
وفي ناس بتقول أن الجواب ده عجل انك تروح .. الشركة رفضت الاستلام .. بعت الجواب على كل الوسائل الخاصة بالشركة لفسخ التعاقد والساعة 8 كنت أنا اللي مفسوخ
1 ابريل 2014 استلمت نادي الزمالك فيه خزنته 600 ج .. استلمت النادي خرابة .. ومديون داخلي ب 305 مليون .. وده كلام تقرير الجهاز المركزي للمحاسبات.. عباس أهدر 984 مليون جنيه ومحدش قاله انت فين ... حد حله أيامها ... أحد ما اتعمل انتخابات وكسبت ...
عايزين تدخلوا مرتضى السجن عشان سدد 305 مليون ع النادي و250 مليون جنيه مديونيات خارجية للاعيبة الأجانب اللي اطردوا من ممدوح عباس ... وسدد تمت ارض 6 اكتوبر.. وبعد كل ده بتطلعوني حرامي
اللي رجع عباس مش البكري بأيامه السودة يا جماهير الزمالك ويا أعضائه ..
بتقولوا في المخالفات أن فيه مخزن ناقص منه ملابس.. طيب رجالة عباس اللي في النادي لو أخفت اللي باقي في المخزن وجت النيابة تعاين أنا وقتها أبرأ نفسي ازاي ... أنا عايز إجابة يا شعب مصر
بتقولوا فيه مخالفات في السُلف.. طب أنا ساوتها اثبت ازاي وانتوا حطين واحد من رجالة عباس في المالية اللي هيقطع المستندات اللي تثبت ده.. اثبت ازاي برائتي يا معالي النائب العام .. ويا بلد ويا دولة ويا شعب...
بتقول في المخالفات اني كنت بدي بالأمر المباشر وده كان حق الجهة الإدارية سمحتلي به بعد استئذانها
فين دليل برائتي وفين سلاحي أنا عايز رجل عدل يرد عليا .. ايه الورق اللي هقدمه للنيابة ..
بلغوني في النادي أن كل المستندات بيتم العبث بيها .. أنا بشهد شعب مصر هو ده العدل
انتظروا الجزء الثاني .. أنا متأكد أن الريس لما يشوف الجزء الاول هينصف جماهير الزمالك وأعضائه وهينصف مرتضى منصور لانه عارف أنه وطني ومخلص وجماهير الزمالك جزء من الوطن وجزء من ثورة 30 يونيو .