عبير صبري عن أزمة شقيقتها مع «دينا الشربيني»: أنا هفضل في ضهر أختي

رفضت الفنانة عبير صبري التعليق أو التدخل في أزمة شقيقتها، المذيعة عبير صبري، مع الفنانة دينا الشربيني، خلال حديثها في برنامج "عرب وود".
وقالت عبير صبري: "أنا في الأول وفي الآخر في ضهر أختي دايماً وجنبها، مش هتكلم عن أي حاجة هى مروة ترد".
وأضافت حديثها قائلة: "وفي الآخر هى مذيعة شاطرة وناجحة وجميلة ومحبوبة وليها جمهور كبير وأنا أول جمهورها".
وكانت مروة صبري اعتذرت للفنانة دينا الشربيني عن التصريحات المسيئة لها بسبب شائعات ارتباطها بالنجم كريم محمود عبد العزيز.
مروة صبري توجة رسالة إعتذار ل"دينا الشربيني"
يذكر أن وجهت الإعلامية مروة صبري رسالة إعتذار للفنانة دينا الشربيني عبر صفحتها الشخصية موقع تبادل الصور والفيديوهات "إنستجرام"، خلال مقطع فيديو لها قالت في برنامج (قعدة ستات).
مروة صبري ل "دينا الشربيني": اسمك دايماً مرتبط بعلاقات مع رجالة متجوزين
وكانت مروة صبري قالت في برنامجها عن دينا الشربيني: "أنا عندي شوية أسئلة لدينا الشربيني ضاقت بيكي الدنيا وسيبتي كل رجالة الكون اللي مش متجوزين وروحتي للراجل اللي متجوز اللي بيحب مراته وولاده ومرتبط بيهم، ودي مش أول مرة أنتي اسمك دايمًا مرتبط أنك طول الوقت على علاقات برجالة متجوزين أي حد بيتشتغلي معاه بيطلع إشاعة أنه دينا على علاقة بفلان بدون ذكر أسامي، انتي دايمًا بتروحي تشوفي مين الراجل المتجوز وتخربي بيته لدرجة أنك للأسف الشديد أخدتي لقب "خرابة البيوت".
اقرأ أيضا| بعد غياب 4 سنوات.. ماجدة زكي تعود إلى الشاشة في رمضان ب«رأس الأفعى»
وتابعت: "قررتي أنك تاخدي الراجل من مراته وتعيشي معاه قصة حب والموضوع باظ والناس كلها اتكلمت، لأ رجعتيه تاني باسم "الهنا اللي أنتوا فيه" الصراحة كان فيلم وشه وحش على كريم وبيته وولاده، الهنا اللي أنتوا فيه تحول أن كريم بيطلق مراته عشان يتجوزك وأنتي بالنسبة ليكي الموضوع عادي جدًا ومش فارق معاكي، طيب هنقول أنك بتحبيه ومش قادرة تبعدي عنه مفكرتيش أنك بتبني سعادتك على تعاسة وقهر ست تانية مفكرتيش تحطي نفسك مكانها مفكرتيش في ولاده اللي بيدعوا عليكي وبيشتموكي قدام السوشيال ميديا كلها، ولا أي حاجة هزتك من جواكي"