حسن مصطفى بعد التأهل للمونديال: إن شاء الله ربنا يكرمنا في أمريكا

هنأ الكابتن حسن مصطفى، لاعب منتخب مصر السابق، الشعب المصري والمنتخب الوطني لتأهله للمونديال 2026.
وقال خلال تصريحات إعلامية: "إن شاء الله ربنا يكرمنا ونعمل حاجة كويسة، وإحنا ليه منفرحش؟ المهم إن إحنا روحنا كأس العالم عشان بيتحسب أن المنتخب راح كام مرة كأس العالم".
وأضاف: "الواحد بيفرح لأن الكرة بتخلي الناس تتنفس، وبتبقى فرحانة، والناس بتحس بالانتماء الكبير للمنتخب، ومحمد صلاح يقود المنتخب للمرة الثانية، ولو قعدنا نتكلم من هنا للسنة الجاية مش هيكفي الكلام عنه".
وتابع: "أنا بشوف أن محمد صلاح لا يُقارن بأي لاعب في مصر، وأنا نفسي ياخد بطولة إفريقيا عشان دي اللي نقصاه".