«في ناس نواياها مش كويسة وعايزة تهد أي نجاح».. رسائل نارية من إبراهيم حسن بعد التأهل لكأس العالم

وجه إبراهيم حسن، مدير منتخب مصر، رسائل نارية بعد تأهل المنتخب إلى نهائيات كأس العالم 2026، وذلك بعدما زعم البعض عن وجود مشاكل بين الجهاز الفني ومحمد صلاح، قائد المنتخب ونجم نادي ليفربول الإنجليزي.
وقال إبراهيم حسن، في تصريحات تلفزيوينة عبر فضائية «أون سبورتس»: «علاقتنا كويسة مع محمد صلاح وجميع اللاعبين، في ناس نواياها مش كويسة هما اللي بيقولوا في مشاكل مع صلاح، الناس دي عايزة تهد أي حاجة، أي مكسب تهد المكسب أي نجاح تهد النجاح».
وأضاف: «ليه متشجعش بلدك؟، ليه متشجعش المدرب المصري والجهاز الفني المصري؟ ولا احنا غاويين ندفع فلوس في الهوا، لازم نحاقظ على بعض».
وتابع: «أنا وحسام، جايين عشان بنحب البلد دي، مش جايين عشان شغل، الفترات السابق كان بيبقى في ضغوط عشان منبقاش موجودين، ربنا كرمنا ومسكنا المنتخب وكنا سبب في وصول مصر لكأس العالم باللاعيبة والمنظومة كلها».