«أغلى من الياقوت».. مي كمال تكشف تفاصيل علاقتها بأحمد مكي وترد على الشائعات

أوضحت الدكتورة مي كمال، أخصائية التجميل، وطليقة الفنان أحمد مكي، أنها لم تكن ترغب في الظهور عبر وسائل التواصل الاجتماعي، لكنها اضطرت لتوضيح بعض الأمور بعد أن "زاد الموضوع عن حده" وأصبح يمس الفنان أحمد مكي بشكل مباشر.
وقالت مي كمال، خلال مداخلة هاتفية في برنامج "كلمة أخيرة" الذي يقدمه الإعلامي أحمد سالم على قناة ON، "أنا صعب أكون بستخدم السوشيال ميديا، بس الفكرة إن أنا حابة أوضح لأن الموضوع زاد عن حده، والموضوع هيمس أحمد أوي، وأنا يهمني أحمد أكتر ما يهمني نفسي، لأن أنا مش شخص مشهور، والموضوع باختصار، كنت أعرف أحمد من زمان جدا والموضوع اتحول بطريقة محترمة، وماشوفتش منه حاجة وحشة، بس الثقافة المصرية صعبة في التعامل، أنا بحاول أتعامل معها بقالي فترة وخصوصا بعد وفاة والدته، الله أعلم هل دول أعداء، هل دول بيحبوه زيادة عن اللازم بس الحب دا اتقلب ضده، فكنت حابة إني أوضح".
اقرأ أيضا | الموت يفجع الفنان أحمد مكي
وأضافت: "اللي كان بيني وبين أحمد مكنش سري ولا حاجة، بس في حاجة اسمها خصوصية، جاير في ناس كتير أوي مش فاهمين يعني إيه خصوصية، لكن لما الموضوع زاد حبيت أوضح، الراجل دا لا أذاني ولا شوفت منه حاجة، دا "أغلى من الياقوت" في حياتي، سواء انفصلت عنه أو كملت معه، ولكن لانفصال وقع، لكنه سيظل أغلى من الياقوت، في حاجات كتير حبيت أوضحها، ومكنتش أحب إن أنا أكتب إن أنا انفصلت عن أحمد ومن فترة طويلة، أولا حفاظا على حياته هو الأول، ثانيا حفاظا على حياتي لأن أنا ماشوفتش منه حاجة وحشة، خصوصا أن هو ظهوره ووجوده في حياتي أضاف ليا أوي".
وتابعت: "زواجنا استمر لمدة طويلة تصل ل3 سنوات، واللي أفسدوا الزيجة مش من الوسط الفني، ولا عيلته، الناس اللي شغالين معه أنا مش عايشة في مصر، لكن من الناس المقربين له، اللي شغالين معه، وأسرته مكنتش موجودة لأن أغلبهم عايشين برا مصر وانا بحترمهم جدا، الفكرة كانت أن الناس عارفة لكن في مصر مش عارفين أنا مين وأنا مكنتش فاهمة أنتم شايفني ايه، وبقيت اتهام واتشتم على انستجرام الخاص بي لو كتبت حاجة عن أحمد أو دافعت عنه كفنان، الاقي كلام مش حلو وناس بتخش في تفاصيل حياتي بطريقة صعبة جدا".
اقرأ أيضا | محمد عدوية يشكر أحمد مكي بعد ظهور اسم والده على تتر «الغاوي»
وأكملت: "أحمد من النوع اللي ما بيحبش السوشيال ميديا، وعارفة ان الموضوع دا أكيد أكيد هيضايقه، بس أنا طبعا بعتذر له، لكن أنا حقي طالما احنا الاتنين كنا مشتركين فيها، دي حاجة فيها شراكة، أنا كنت بعلن عن اللي بينا بطريقة لطيفة بنجاحه باهتمامي الزائد أنا مش من النوع اللي بهتم بأي ممثل، وأغلب الناس شافونا مع بعض في مصر، وعلاقتنا بعد الانفصال لاتزال موجوده بالمودة و الرحمة، ولا هقبل عليه إن اسمع عنه كلام وحش، وان عنده وسواس حسد وله علاقة بأشخاص، رغم أن احنا الانفصال من بعد وفاة زوجته، والسبب ناس شغالة عنده وقعوا بيننا، واللي بتمناه انه يبعدهم عن أحمد، هم ناس وحشة، الشخص دا تعب كتير في حياته ومسالم جدا".