أكلات متنفعش مع المقلاة الهوائية| اعرفي إيه اللي يخلي نتيجتها «محبطة»

المقلاة الهوائية أصبحت بالنسبة للكثير المنقذ السريع لوجبة صحية ومقرمشة بدون الكثير من الزيت، ورغم إنها تعطي نتائج ممتازة مع البطاطس، الفراخ المشوية وحتى بعض الحلويات الخفيفة، إلا إن في أكلات معينة تتحول لكارثة لو جربنا نعملها فيها، النتيجة؟ طعم باهت أو قوام مش مرغوب، يخليك تندم إنك استخدمتيها.
الأكلات المقلية عجين رطب
مثل الفراخ أو السمك المغطى بعجينة سائلة، المقلاة الهوائية مش بستحملها كويس، الهواء السخن بيخلي العجين يتطاير أو يتكتل بشكل عشوائي، فتجد الطبق في النهاية ليس متماسك، الأفضل أنك تقومي بتجهيزها في الفرن أو الطاسة الأول، وبعد ذلك تقومي بإدخالها الإيرفراير ثواني للقرمشة.
الخضراوات اللي فيها مياه كتير
الكوسة والطماطم مثلا مش أنسب اختيار للمقلاة الهوائية، أثناء الطهي يخرج منها سوايل كثيرة، فبدل ما تبقى مقرمشة، تتحول لخضار "مسلوق على بخار"،عشان نتيجة أحسن ممكن تقللي وقت الطهي ودرجة الحرارة، أو تلجأي للشوي والتحميص في الفرن.
اقرأ أيضا..الشاي الأخضر.. فوائد عديدة للحماية من الزهايمر
العجين النيء وخليط الكيك
حطيتِ خليط كيك في الإيرفراير؟ غالبا هتلاقي النتيجة كارثية: تسوية مش متساوية وفوضى جوة الجهاز، ولو الموضوع متعلق بالسلامة كمان، يفضل الفرن التقليدي، أو استخدام أدوات خاصة بالمخبوزات متوافقة مع المقلاة الهوائية.
المقلاة الهوائية جهاز عملي وبيوفر وقت وصحة، لكن مش لكل الأكلات،عشان كده النصيحة الذهبية: اعرفي إيه اللي بينفع معاها وإيه اللي لأ، عشان تحصلي على أفضل نتيجة من غير خيبة أمل على السفرة.