" اختيار غلط.. شغل غلط "..رضوي الشربيني توجه رساله صادمه ل شيرين عبد الوهاب

وجهت الإعلامية رضوي الشربيني رسالة شديدة اللهجة للفنانة شيرين عبد الوهاب، عبر برنامجها المذاع على قناة DMC .
وتحدثت الاعلامية رضوي الشربيني خلال حديث مؤثر ل شيرين عبد الوهاب بعد أزمتها الأخيرة بمهرجان موازين، قائلة : " الناس زعلانة منك أوي وزعلانين عليكى أوي أنتي أقوى من الموقف ده ".
وأضافت رضوي الشربيني : " حتى لو هو صعب وأنتي اللي قلتي: أنا كتير، أنا ألف حاجة على بعضها في حاجة واحدة "
رضوي الشربيني تصف اختيارات شيرين بالخاطئة
و تحدثت رضوى الشربيني عما وصفته ب الاختيارات "الغلط" في حياة شيرين، قائلة: "اختيار غلط، شغل غلط، وناس بتشتغل معاها غلط، ده كفيل يهد كل اللي بنعمله ".
واستكملت رضوي الشربيني : شيرين عبد الوهاب، الست اللي كنت بشوفها على المسرح كانت بتطلع الموضة.. ربنا مديكي حب الناس.. يلا بقى كفاية كده.
وأكدت رضوى على أهمية حب الذات بالنسبة لأي امرأة، وخاصة فنانة بحجم شيرين، وقالت: لازم تحبي نفسك شوية.. ده انتي نص أغانيكي عن إزاي نحب نفسنا.
انتقادات تطال إطلالة شيرين عبد الوهاب في حفل موازين
وخلال الحفل، ظهرت شيرين عبد الوهاب مرتدية فستانًا طويلًا بأكمام طويلة باللون البيج، تميز بتطريزات ناعمة وغير مبالغ فيها، في إطلالة أثارت الجدل عبر مواقع التواصل الاجتماعي.
وتداول رواد الإنترنت صورها بشكل واسع، ما دفع البعض إلى وصف الإطلالة بالغريبة، وهو ما علّق عليه ناقد الموضة اللبناني إيلي حنا، قائلاً:
"شيرين جاية على مهرجان موازين لابسة جلابية البيت أو أنا غلطان؟ ما بقى فيه احتمالات أو خيارات تانية تلبسها؟ خلصوا؟ انتهوا؟"