فريدة سيف النصر: الانتقادات الموجهة للفنانين مجرد حسد

كشفت الفنانه فريدة سيف النصر تفاصيل مهمة لأول مره عن حياتها الفنية وعن رأيها بالحملات الانتقاديه للفنانين بالوسط الفني .
وقالت فريده سيف النصر في تصريحات خاصه لبوابه اخبار اليوم: "الانتقادات الي بتتوجه للفنانين لو مكنتش حقيقه بتبقي بايخه جدا وبيبقي فيها حسد لو هننتقد نتتقد في دوره وشغله لكن ليه انتقد حد عشان خير ربنا ميدهوله .
وأضافت فريده : " ليه تشتم في زميلك وفي اخلاقه وانت مشوفتش منه حاجه وحشه زي ما بيحصل في رمضان وفي بنات كتير وممثلات كتير " .
اقرأ أيضا | خاص| فريدة سيف النصر: سبب نجاحي التغير.. وأول مره تحصلي حملات انتقادية
واضافت فريده عن تفاصيل مسيرتها الفنيه وهي صغيره : " انا مثلت وانا صغيره في إعدادي وثانوي وكنت بطله المسرحيات في المدرسه وكنت بحب افلام سعاد حسني ونجلاء فتحي وكنت بقلدهم في المرايه وكنا في المرحلة دي بنغني أغاني صغيره علي الحب ومحدش بيتوقع بيوصل لأيه والحمدلله حب الجمهور هو السبب وحب ربنا في البدايه " .
فريده سيف النصر والحملات الانتقادية لتشويه صورتها بالوسط الفني
اقرأ أيضا | فريدة سيف النصر لمحمد رمضان: كياد كياد كياد
وأضافت فريده : " لأول مره تحصلي حملات انتقادية في الوسط الفني واول مره اشوفها بعد العمر ده وده غريب جدا ان الناس الكبيره دي والمخرجين الكبار والنجوم الميجا ستار الي اشتغلنا قدامها عمرنا ما شوفنا الكلام ده واول مره احس ان في ناس بتتعب نفسيًا في الجيل الجديد الي فرق بيني وبينه مثلا 10 سنين " .
وأضافت " .احنا خدنا فرص كتير وهما مكنوش بياخدوا فرص بصراحه ويمكن ده بيكون السبب في تعب الفنان ويمسكوا فرصه تكون مفيش غيرها وده غلط ان واحده فنانه تمشي زميلاتها او ممثل يكون مش عايز حد ناجح غيره وغلط ان حد يقول مش عايز فنان يشاركني في البطوله والكلام ده " .
وتابعت " : وسبب من أسباب نجاحي اني بجدد وبحب كل الألوان والأشكال لأن الناس بتزهق وانا بحب ادخل وامثل مع كل الاجيال وحاجات مختلفه عني كل مره " .
اقرأ أيضا | «أعلم أنك ستخجل».. ماذا طلبت فريدة سيف النصر من حسين فهمي؟
تُعد الفنانة فريدة سيف النصر واحدة من أبرز نجمات الدراما المصرية، حيث امتدت مسيرتها لعدة عقود قدّمت خلالها أدوارًا متنوعة بين الكوميديا والتراجيديا، وتميّزت بقدرتها على تجسيد الشخصيات الشعبية والصعيدية ببراعة. ورغم غيابها عن الساحة الفنية لفترات متقطعة، إلا أنها دائمًا ما تعود بأعمال قوية تترك بصمتها لدى الجمهور.
اقرأ أيضا | فريدة سيف النصر توجه رسالة لمروجي شائعات حضورها الديرجيست «حافية»