خاص| فريدة سيف النصر: سبب نجاحي التغير.. وأول مره تحصلي حملات انتقادية

كشفت الفنانة فريدة سيف النصر، تفاصيل مهمة لأول مره عن حياتها الفنية وما الذي جذبها لعالم التمثيل وعن رأيها بالحملات الانتقادية للفنانين بالوسط الفني ولتشويه صورتها.
وقالت فريدة سيف النصر في تصريحات خاصة لبوابة أخبار اليوم: "أنا مثلت وأنا صغيره في إعدادي وثانوي وكنت بطلة المسرحيات في المدرسة وكنت بحب أفلام سعاد حسني ونجلاء فتحي وكنت بقلدهم في المراية وكنا في المرحلة دي بنغني أغاني صغيرة على الحب ومحدش بيتوقع بيوصل لأيه والحمدلله حب الجمهور هو السبب وحب ربنا في البداية".
فريده سيف النصر والحملات الانتقادية لتشويه صورتها بالوسط الفني
وأضافت فريدة: " لأول مرة تحصلي حملات انتقادية في الوسط الفني وأول مره أشوفها بعد العمر ده وده غريب جداً إن الناس الكبيرة دي والمخرجين الكبار والنجوم الميجا ستار اللي اشتغلنا قدامها عمرنا ما شوفنا الكلام ده وأول مره أحس إن في ناس بتتعب نفسيًا في الجيل الجديد اللي فرق بيني وبينه مثلا 10 سنين ".
وأضافت، إحنا خدنا فرص كتير وهما مكنوش بياخدوا فرص بصراحة ويمكن ده بيكون السبب في تعب الفنان ويمسكوا فرصه تكون مفيش غيرها وده غلط ان واحده فنانة تمشي زميلاتها أو ممثل يكون مش عايز حد ناجح غيره وغلط إن حد يقول مش عايز فنان يشاركني في البطوله والكلام ده ".
وتابعت: وسبب من أسباب نجاحي إني بجدد وبحب كل الألوان والأشكال لأن الناس بتزهق وانا بحب ادخل وأمثل مع كل الاجيال وحاجات مختلفة عني كل مرة" .
تُعد الفنانة فريدة سيف النصر واحدة من أبرز نجمات الدراما المصرية، حيث امتدت مسيرتها لعدة عقود قدّمت خلالها أدوارًا متنوعة بين الكوميديا والتراجيديا، وتميّزت بقدرتها على تجسيد الشخصيات الشعبية والصعيدية ببراعة.
ورغم غيابها عن الساحة الفنية لفترات متقطعة، إلا أنها دائمًا ما تعود بأعمال قوية تترك بصمتها لدى الجمهور.