إيناس مكي تكشف حقيقة خلافها مع شقيقها أحمد | فيديو

كشفت الفنانة إيناس مكي حقيقة وجود خلافات بينها وبين شقيقها الفنان أحمد مكي.
ونفت إيناس مكي كل هذه الشائعات مؤكدة على أنها معتادة على مثل هذا النوع من الأخبار الكاذبة التي تصدر عنها من فترة طويلة.
وقالت إيناس مكي في تصريحات لبرنامج «قعدة ستات»: "إشاعة إن فيه خناقة، وإن فيه بينا مشاكل الكلام ده مش مظبوط، يا أخوانا هو ضهري هو سندي هو أخويا، وأخويا مش مجبر أنه يشغلني، والناس بتفكر أن طالما كده يبقى فيه خناقة واحنا منطق الوساطة ده مش عندنا والله، ومش عارفة اذا كان ده عند كل الناس أو لأ، بس إحنا بطبيعتنا إن أنا مبتعداش حتة في حياته، وهو ميتعداش حتة في حياتي، والفكرة مش أنا وهو بس، إحنا ال 5 إخوات كده".
وأضافت: "زمان كان طلع عليا إشاعة أنا ومجموعة من الفنانات، إني مرفوع عليا قضية، ودا كلام أنا مقبلتش بيه لأنه يمس الشرف والسمعة، وفيه شخص بعتلي وقالي أنا متأكد إن انتي ودي مش إشاعة، ورديت عليه قلتله القضاء ما بينا ورفعت عليه قضية".
ومن المقرر أن يكون أحدث أعمال أحمد مكي، من خلال مسلسل "الغاوي" في موسم دراما رمضان 2025، من إخراج ماندو العدل وتأليف هاني سرحان، وبطولة أحمد مكي وعائشة بن أحمد، وجار التعاقد مع باقي صناع العمل.