«زي ابني بالظبط »..ويجز يعاود مهاجمته ل رامي صبري من جديد

عاد مطرب الراب ويجز ليهاجم الفنان رامي صبري من جديد، ردا على تعليق الشاعر الغنائي تامر حسين على الأزمة التي حدثت بينه وبين الفنان رامي صبري.
وعلق ويجز عبر حسابة الرسمي بموقع "أكس"، قائلأ: "حصل خير ياجماعي رامي صبري دة زي ابني بالظبط وهو شطور وقمور ومجتهد ".
وتابع ويجز :"أنا بس في اللقاء كنت حاسه بيجامل من ورا قلبه علشان الجمهور ميغلطوش وفرق أجيال بقى مشق بفهم حاجة منه خالص ف تلاقيني مخدتش بالي ".
تامر حسين يوجه رسالة ل ويجز بعد هجومة علي رامي صبري
وكتب تامر حسين، عبر حسابه الرسمي على «فيسبوك»: «شهادتى فيك مجروحة أنت صوت عبقرى مش محتاج رأيى وخطواتك ما شاء الله، لطريق النجاح بتكبر وتزيد وكل سنة عندك هي ناجح ومكسر الدنيا ولسه شايف ترتيب أنغامى أنت رقم 2 في الاستماع بعد الهضبة البوم مكانك وفى الصدارة».
وأضاف: «تصريح مش موفق مِن ويجز رغم إنى شفت له أكتر من لقاء كان راجل مُثقف ومُهذب جايز يكون واخد على خاطره ُ أو فِهم كلامك غلط إنما الأرقام اللى قالها مش أرقامك ولا الطريقة مُناسبه وإنت الكبير يا روما».
واختتم: «ويجز لو يعرف إنت أول واحد باعتلى أغنية البخت وبتقولى الراجل ده عنده حاجة مختلفة مكنش هيزعل كده ودى شهادة حق والله».
موقف رامي صبري
ليرد رامي على مبادرة تامر حسين ويعلق عبر صفحته الشخصية على فيسبوك قائلا :« حبيبي تامر حسين الشاعر الكبير العظيم شكرا علي كلامك الجميل اللي زيك » مضيفا :«ويجز أخويا الصغير وأنا مسامحه وحصل خير».
بداية الخلاف
وكان الخلاف قد بدأ بتصريح رامي صبري في لقاء إعلامي له على أغاني ويجز مشيرا إلى أنه ليس ضد نجاح أي شخص ولكنه لا يفهم كلمات أغاني ويجز ليرد الأخير قائلا :« رامي كل ما يقعد 4 أو 5 شهور يزهق يطلع يتكلم على بتوع الراب والهيب هوب».
وتابع قائلا :«أنت مش بتقدر الفنانين دول.. أنت شايفهم انهم عاوزين يوصلوا في ليفل أنت فيه في حين أنهم معدينك.. أنت مش رقم 2 يا رامي أنت رقم 19 بعيد اوي بجد».