إنجي أنور: الزمالك يخشى ردة فعل جماهيره في حالة بيع زيزو

قالت الإعلامية إنجي أنور، "احمد مصطفى زيزو نجم الزمالك الاول في طريقه لتجديد تعاقده مع الزمالك، وده كلام ابو زيزو النهاردة اللي قال إنه اتفق مع مسئولي الزمالك على على تجديد العقد ومفيش اي خلاف بين الطرفين عشان زيزو زي ما قال أبوه عايز يستمر مع الزمالك"، وان خلال يومين تلاتة هيكون فيه جلسة نهائية يظبطوا فيها المقابل المادي بين الطرفين ومدة التعاقد وبعدها هيتم كتابة العقد والتجديد".
اقرا ايضا| الزمالك يقترب من حسم ملف التجديد لزيزو بعد جلسة الأمس
وأضافت إنجي أنور، خلال برنامجها "مصر جديدة"، المذاع على قناة ETC، قائلة : ماتيجي اقولكم اللي محدش عايز يتكلم فيه في مسألة زيزو، السؤال هل زيزو عايز يحترف الإجابة ايوة زيزو نفسه يحترف بره، والسؤال هل نادي الزمالك عايز يبيع زيزو الإجابة ايوة الزمالك عايز يبيع زيزو النهاردة قبل بكرة عشان يحل كل المشاكل".
وأوضحت إنجي، قائلة: "طب فين الأزمة وليه محدش عايز يتكلم، الإجابة الإدارة خايفه من رد فعل الجمهور واللاعب مش عايز يعلن كده لإنه برضو خايف من رد فعل الجمهور، الحل هو اللي بيحصل دلوقتي زيزو هيجدد للزمالك وبمقابل أعلى وبعدها ممكن وبنسبة كبيرة زيزو يطلع إعارة لمدة سنة لواحد من الاندية اللي طلبته وده الكلام اللي بيدور في الكواليس".