بعد اعتذار وزير الأوقاف له.. كريم الحسيني: «محدش طلب مني أمسح الفيديو»

عبر الفنان كريم الحسيني، عن سعادته بعد لقائه بالدكتور أسامة الأزهري وزير الاوقاف، والذي اهتم بحل أزمته، بعد تداول مقطع فيديو يُظهر منعه من دخول المسجد لأداء صلاة العصر، ولاقى الفيديو رواجًا واسعاً في ساعات قليلة من وقت نشر الفيديو.
وقام كريم الحسيني بنشر فيديو عبر حسابه الرسمي بموقع الصور والفيديوهات "إنستجرام"، وعلق عليه: «إنما الدينُ المُعاملة، شكرًا معالي وزير الأوقاف فضيلة الشيخ الدكتور أسامة الأزهري على إهدائك لى المصحف الشريف وعلى المحبة وحُسن الاستقبال وتوضيح سوء التفاهم وعلى حس كل خدام المساجد بحُسن مُعاملة المصليين».
اقرأ أيضاً| وزير الأوقاف: دورات مكثفة لعمال المساجد في التعامل اللائق مع المصلين
وقال كريم الحسيني خلال الفيديو: «انا حبيت أوضحكلم سوء التفاهم اللي حصل، لأني اتطلب مني كتير أني انطلع في أكتر من قناة، وانا رفضت تماما عشان ماحدش يحرف الكلام والموقف ، وحبيت اتكلم هنا على صفحتي عشان مايتمش تعظيم الأزمة زي مثلما تردد من البعض»،
وتابع : «انا شيلت الفيديو عشان لقيته انتشر بشكل رهيب وبشكل غير صحيح، والناس بقت تكتب شوفو بلد الإسلام بتعامل المسلمين ازاي ، وتم تحريف الموقف بشكل مبالغ فيه».
وأكد: «والله والله ماحد قالي امسح الفيديو، انا اللي مسحته من نفسي لما لقيت الناس بتوصل الأزمة بشكل أكبر من حجمها»
واستطرد: «أنا شرفني جدا اهتمام وزارة الاوقاف بإتصالها بيا وحد قالي اني ان د.أسامة الازهري عايز يشرب معاك القهوة، والراجل بكل ادب اعتذرلي، وحقيقي بشره على سماحته واهتمامه، وأكد له تحويل أمين الجامع للتحقيق»
واختتم «قلت لوزير الأوقاف انا من فضلك مش عايز الراجل يتأذي، ومش عايز مشكلة، هو كان سوء تفاهم وخلص، ومقابلة حضرتك ليا دي ردتلي حقي 1000 مرة».
وكان استغاث الفنان كريم الحسيني، بدار الإفتاء المصرية، وذلك بعد منعه من دخول أحد المساجد في المقطم، أثناء ذهابه لآداء صلاة العصر.
ونشر كريم الحسيني، فيديو عبر حسابه الرسمي بموقع «انستجرام»، قائلا: «لما أبقى ماشي على طريق وأركن وأكون عاوز أصلي العصر والساعة دلوقتي مكملتش خمسة ونص، ولسه الناس بتخرج من المسجد، المسجد اسمه الشهيد أحمد حسن الجندي في المقطم، ولما أركن وأقول له عاوز أدخل أصلي العصر، يقول لي معلش إحنا قفلنا الجامع».