عودة بعد 17 يوم من الاعتزال.. القصة الكاملة لاعتزال وعودة محمد رحيم

17 يوم فصل بين إعلان الملحن محمد رحيم قرار إعتزاله وعودته مرة اخرى عن هذا القرار وعودته للتلحين ورغم أن الملحن محمد رحيم لم يكن أول المشاهير الذين أعلنوا اعتزالهم وتراجعوا عن القرار إلا أنه صاحب الفترة الأقصر للتراجع عن القرار ليتصدر سؤال هام في أذهان الجمهور ماذا حدث في 17 يوم ليتراجع محمد رحيم عن قراره؟.
كانت البداية بمفاجئة الملحن محمد رحيم لجمهوره بقرار اعتزاله الذي أعلنه عبر صفحته الشخصية على انستجرام وكتب عبر خاصية استوري :« تعليق كل نشاطاتي الفنية لأجل غير مسمى حتى إشعار آخر.. مع احتمالية اعتزال المهنة والسفر خارج البلاد».
ووسط جدل توقيت إعلان الاعتزال واسبابه كشف الملحن محمد رحيم عن أسباب هذا القرار موضحا أن السبب هو عدم دعوته لحضور الحفل الأول من «ليالي سعودية مصرية» والذي تمت إقامته في دار الاوبرا في 18 فبراير الماضي رغم دعوة كثير من النجوم والذي تعاون مع أكثرهم في تلحين أغانيهم.
إقرأ ايضا: غدا.. أحمد سعد يطرح أغنية جديدة مع الجوكر باسم «يامولانا»
وأوضح محمد رحيم في رسالة نشرها عبر خاصية استوري على انستجرام عن اسباب اعتزاله قائلا :«سؤال ياجماعه هو ينفع حفله زي دي تعزموا كل ملحنين وصناع الموسيقى في مصر الا محمد رحيم طيب ازاي ؟؟.. ده أشهر وأهم اغاني النجوم دي كلها من اعمالي».
وتابع قائلا :« يعني شيرين اللى طلعت غنت مشاعر والوتر الحساس وصبري قليل كل دي حاجات محمد رحيم مع احترامي لكل المبدعين اللى موجودين طبعا كلهم فوق راسي واخواتي وعمرو دياب اللى قاعد ده انا واخد معاه جائزه الميوزيك اوورد العالميه وطلع غنى غنوتي وهو بيستلم جائزته سنه 2001 حبيي ولا على باله».
وأشار قائلا :«ومعالي وزيرة الثقافة اللى شرفت الحفله حرفيا وهي سيدة فوق الوصف في الاخلاق وبكن ليها كل حب واحترام هي اللى سهلتلي إجراءات السفر لفرنسا من كام شهر علشان اروح استلم جائزه العضويه الكامله الماسية اللى هى آخر حاجه ممكن يحصل عليها ملحن أو مؤلف على مستوى العالم».
واستكمل:« حتى الفنان محمد منير اللى حضوره نور الحفله انا اللى عامله يونس وياحمام وقلبي ميشبهنيش اللى هما بالمناسبة كلمات الشاعر العظيم عبد الرحمن الابنودي اللى مكانش بيشتغل غير معايا من جيل الملحنين الشباب إيمانا بموهبتي وحققنا نجاحات كبيره جدا الحمد لله سوا».
واختتم محمد رحيم رسالته قائلا: «معرفش بس حبيت اسأل يعني هو لحد امتى المبدع المجتهد هنفضل نحط من قدره ونقتله معنويا بالشكل ده.. وهل ده مقصود ولا حدث سهوا.. وعلى فكره انا بتكلم عموما في المبدأ مش بس الجزء اللى يخصني معرفش ليه الموقف ده فكرني بغنوه بتاعتي غنتها نانسي عجرم اسمها (في حاجات تتحس ومتتقالش ) بس لما تلاقيها مش بتتحس بتضطر تقولها !!».
إقرأ ايضا: بعد أيام من خطوبته.. طليقة «مسلم» تكشف أسباب طلاقها لأول مرة
وبعد 17 يوم من قرار الاعتزال كشف محمد رحيم عن تفاصيل رجوعه عن قراره بالإعتزال عبر صفحته الشخصية على انستجرام ونشر فيديو لجمهوره لتعليقاتهم بعد إعلان إعتزاله وعلق قائلا :« أنا مش هقولكم غير اني بكيت بالدموع من كتر الإحساس اللى في الرسائل اللى بعتوهالي».
وتابع معلنا قرار رجوعه عن الاعتزال :«خلاص ياجماعه أنا هرجع تاني علشان خاطركم انتوا بس يا اعظم جمهور وعائله في العالم وربنا ميحرمناش من بعض أبدا وبشكركوا جدا على سؤالكم المستمر عنى».
واختتم حديثه قائلا :«أنا محظوظ بوجودكم في حياتي وآسف جدا جدا لو كنت زعلت أي حد وان شاء الله هرجع تاني بطاقه أكبر علشان احاول أسعدكم بكل الطرق والأشكال ورمضان كريم».
View this post on Instagram
A post shared by Mohamed Rahim (@mohamedrahimofficial)