محمد رحيم يوجه رسالة لصناع حفل الليلة المصرية السعودية.. تعرف عليها

أكد الملحن محمد رحيم انه كان يتمنى حضور أول الليالي المصرية السعودية، التي أقيمت أمس الأول، بدار الأوبرا المصرية بحضور كوكبة كبيرة من نجوم وصناع الفن في مصر، لكن لم يتم توجيه الدعوة له للحضور، ونشر عبر حسابه الخاص على موقع التواصل الإجتماعي فيسبوك وكتب: «سؤال ياجماعة هو ينفع حفله زي دي تعزموا كل ملحنين وصناع الموسيقى في مصر إلا محمد رحيم طيب ازاي ؟، ده أشهر وأهم اغاني النجوم دي كلها من اعمالي يعني شيرين اللى طلعت غنت مشاعر والوتر الحساس وصبري قليل كل دي حاجات محمد رحيم مع احترامي لكل المبدعين اللى موجودين طبعا كلهم فوق راسي واخواتي وعمرو دياب اخدت معاه جائزه الميوزيك اوورد العالمية وطلع غنى غنوتي حبيبي ولا على باله وهو بيستلم جائزته سنه 2001».
ووجه محمد رحيم كلمته لوزيرة الثقافة المصرية د.نيفين الكيلاني قائلًا: «معالي وزيرة الثقافة شرفت الحفلة حرفيًا وهي سيدة فوق الوصف في الاخلاق وأكن لها كل حب واحترام، سهلت لي كل اجرءآت السفر الخاص بفرنسا منذ شهرور لاستلامي جائزة العضوية الكاملة الماسية، ومصر كانت أكبر دوله حصلت على تكريمات هذا العام من SACEM.FR باريس في مجال الموسيقى».
وتابع محمد رحيم في منشوره: «اذا اتكلمنا عن الليالي المصرية السعودية والتعاون مابين أكبر بلدين عربيين في مجال الفن طب وهو فيه تعاون احلى من التعاون اللى حصل بيني وبين الشاعر السعودي الكبير سعود الشربتلي اللى كتب غنوه الوتر الحساس لشيرين وانا لحنتها».
وتساءل محمد رحيم: «لحد امتى المبدع المجتهد هنفضل نحط من قدره ونقتله معنويًا بالشكل ده وهل ده مقصود ولا حدث سهوًا وعلى فكرة انا بتكلم عمومًا في المبدأ مش بس الجزء اللى يخصني معرفش ليه الموقف ده فكرني بغنوه بتاعتي غنتها نانسي عجرم اسمها في حاجات تتحس ومتتقالش بس لما تلاقيها مش، بتتحس بتضطر تقولها».
اقرأ أيضًا:
محمد رحيم يقرر اعتزال الفن والسفر خارج البلاد (مفاجأة)
كان محمد رحيم قد طرح مؤخرًا أغنية تحت عنوان الساحل الشمالي، للكينج محمد منير ومريام فارس، وطرحت الأغنية في شهر أغسطس الماضي 2023، وحقق الديو نجاحًا كبيرًا، تخطت على موقع اليوتيوب 8 ملايين مشاهدة، وجاءت كلمات الأغنية: بتعدي عن يميني وتعدي عن شمالي، جننتي البحر كله في الساحل الشمالي، يا أسمر مالك ومالي سيبني أتشمس في حالي، ومتشغليش في قلبي ده أنا قلبي لسه خالي، أنا كنت في حالي ماشي بسأل عمك غباشي، هو المشمش مجاشي قال بس انتوا الحقوه.