منال الفطاطري: رفضت الزواج مًرة تانيه واكتفيت بالامومة

قالت منال الفطاطري، والدة الممثلات بسنت وداليا شوقي، إن الأمومة مازالت تغلب عليها في معظم الأوقات، حيث كانت في طفولتها تلعب بالعروسة وتعيش دور الأم وكانت لعبتها المفضلة وتستمتع بها، مشيرة: "انا أم أوي وقلبي دايما واكلني على ولادي وشاغلة نفسي بيهم اوي لكن مش خنقاهم خالص، وانا ست في الحرية مفيش زيي بحترم حريتهم اوي".
وأضافت منال خلال لقائها مع الإعلامية سهير جودة، عبر صفحتها الرسمية على فيسبوك، قائلة: "لما رديت على اللي بيهاجموا داليا بنتي على دورها في مسلسل السفاح حاولت اكون سند ليها، ومينفعش نسيب حد بيغرق ومنروحش ننقذه، وكنت اخاطب الناس التي كانت تتريق وهم لم يستفادوا بشئ سوى أنهم يسببوا أذى نفسي لإنسان، ومن الممكن أن يتأذى بأشياء أخرى، وخطابي كان موجه لهذه القلة".
اقرأ ايضاً| لأول مرة.. مينا مسعود يرد على اتهامه بالعنصرية
اوضحت منال: "في كلام كتير من الناس على داليا وبيقولوا انها اشتغلت كوسة وواسطة، انا عايزة اعرف ازاي وهي بنت درست في الجلمعة الامريكية، ومن وهي في كي جي 1 بتمثل في مسرح المدرسة وطلع عنيها عشان تقول بس انها ممثلة، والدها راجل مدرب كورة شوقي عبدالشافي وامها اشتغلت ممثلة 4 سنين فقط، فين الواسطة بقى؟ ومفيش ولا حد ساعد داليا او بسنت في مشوار التمثيل".
وأشارت منال أن الانفصال لم يكن اختيار بالنسبة لها، بل كانت هنلك ظروف خلقت هذا الاختيار، ورفضت الزواج مرة أخرى وتركت التمثيل بسبب احتياج بناتي لي، متابعة: "انا العالم بتاعهم انا يومهم وانا فكرهم وعقلهم وانا قلبهم، وكنت مبسوطة بهذا الدور ان البنات دي محتاجينلي في كل لحظة".
وقالت منال الفطاطري، إنها دائما كانت تشعر كأي ست بضرورة وجود رجل في حياتها لكي يتقاسم معها المسئولية، لكن محمد فراج زوج ابنتها بسنت وشريف زوج ابنتها ياسمين كانوا بمثابة العوض لها، مشيرة: "بحمد ربنا ان ازواج بناتي عوضوني وان في حد تقدري تعتمدي عليه وتتسندي عليه، سواء فراج او شريف الاتنين بعتبرهم ولادي ووجدهم مهم في حياتنا كلنا".
وكشفت منال عن مجال دراسة بناتها، قائلة: "بسنت درست في الجامعة الامريكية بيزنس وماركتينج، أما ياسمين بتشتغل في الجامعة الامريكية ودرست علم نفس في الجامعة الامريكية، وهي بتحب الهدوء، وداليا درست في الجامعة الامريكية بيزنس وتمثيل ومسرح"، موضحة أنها لم تكمل مشوارها التمثيلي بسبب احتياج بناتها لها، حيث أن تربيت البنات ليس سهلة على الإطلاق، وكل منهم لديه طباع مختلفة، ظبسنت الاكثر عملية، وياسمين الاكثر هدوءا، وبسنت تجمع بين الصفتين.
وأوضحت منال الفطاطري أن هناك ايام صعبة مرت عليها كثيرا، وتعلمت منها كيف تتجاوز وتكون أقوى، مؤكدة أن الضعف يولد قوة، وكان من الممكن أن يولد انكسار لكنها لم تستسلم ولن تستسلم، "الحمدلله دايما بقوي نفسي بنفسي وبناتي معايا، واي لحظات ضعف كنت دايما بقول ان انا عاملة زي اللي بيغرق بس كل شوية يرفع راسه فوق المياة عشان يعيش وانا الحمدلله ربنا قدرني وعندي 3 بنات زي الفل".
وعن عودتها للتمثيل مرة أخرى، قالت منال إنها تتمنى العودة للتمثيل مرة أخرى لكن ليس على حساب بناتها، حيث تضع الأولية لبناتها دائما، "انا بحب الشغلانة دي وكنت بقول لولادي ان دي من اجمل الشغلانات اللي بتتيح ليك حاجات تعيشها ممكن متكونش في روتين يومك العادي"، موضحة أنها تنتظر الإطمئنان على ابنتها بسنت وإذا جاء إليها دور مناسب يشرف بناتها ستقدمها، "انا حاسة ان مشاعري نفسها تطلع واحاسيسي".
وقالت منال إنها تتمنى الزواج لابنتها داليا وأن يرزقها الله بزوج قلبه طيب، لأن داليا شخصية مسالمة وقلبها ابيض وطيبة، فلابد أن تتزوج من شخص محترم وطيب وابن ناس ويعرف ربنا، وإذا كان هناك خير سيقدمه الله. وكشفت منال عن مدى وجود تحيز بين بسنت وفراج، قائلة: "لما فراج وبسنت يختلفوا بحاول اوازن بين الاتنين لأن ببقى عارفة انهم هيتصالحوا وده حصل وبيحصل كتير، وهما الاتنين معزتهم عندي واحدة، ومحمد فراج هو ابني وبحس انه حنين اوي، وهو بيحب ياكل من ايدي الفتة". وأكدت منال: "لو بناتي ربنا كرمهم وأنجبوا، هقولهم ميكرروش تجربتي، ويعيشوا حياتهم، انا عيزاهم يعيشوا حياتهم لأن الواحد بيعيش مرة واحدة".