ماجد الكدواني: مروان حامد خطفني وسافر بي لعالم خفي

كشف الفنان ماجد الكدواني، تفاصيل مشاركته في فيلم "تراب الماس"، وذلك خلال استضافتة في برنامج "صاحبة السعادة" الذي تقدمه الإعلامية إسعاد يونس عبر شاشة DMC.
وقال ماجد الكدواني: "مروان حامد خطفني وسافر بي لعالم خفي، أصبحت أسيراً لملحوظاته، أصور الشوت وأبص له، وقال لي فيما بعد إني مختلف، قالي أنت مغيب".
اقرأ أيضاً | ماجد الكدواني: كنت خايف من الكوميديا وكريم عبد العزيز كان بيساعدني
وأضاف: "مروان حامد لما يقولي كلمة زي دي مش قليلة، وده إداني حافز كبير أني أحافظ على المستوى، لما مخرج كبير زي ده يشيد بيك ويقولك أنك محقق حاجة، دي حاجة كبيرة".
واستكمل حديثة قائلاً: "أنا أولادي طلبوا مني أني أتعالج، وفوجئت إن مروان حامد بيطلب مني أن أروح لدكتور نفسي، وقالي مش عيب لما تقعد مع طبيب نفسي، وكان الفيلم عدى عليه سنة كاملة، واكتشفنا أنا وكريم عبد العزيز إن فينا حاجة مختلفة مش عارفين هي إيه".
وأكمل الكدوانى: "وصلت لمرحلة إني بفزع الناس بعد فيلم تراب الماس، وروحت لطبيب نفسي، وسمعت كلام مروان، وحصل إنه فعلا مش لما نعترف أن في حاجات بتتفتح في دماغنا ومبتتقفلش، ومروان سمى الشخصية دي ب (المتعة المحرمة).