«أنت خارج أي مقارنة».. رسالة دعم من زوجة زيزو بعد حملة الانتقادات

حرصت هدى بهاء، زوجة النجم أحمد سيد زيزو، لاعب نادي الزمالك، على دعم زوجها بعد موجة الانتقادات التي وجهت له في الآونة الأخيرة علي مواقع السوشيال ميديا.
وقال زوجة أحمد سيد زيزو علي صفحتها الشخصية علي الإنستجرام: «مش بحب اتكلم في الحاجات دى عشان مديش قيمة لموضوع مالوش قيمة من الأساس..بس أنت خارج اي مقارنة واي منافسة اصلاً ، انت بتنافس نفسك وبس..وربنا مش بيضيع تعب حد ابداً»
وكان أحمد سيد زيزو لاعب فريق الكرة الأول بنادي الزمالك أبدي عدم رضاه على مساهماته التهديفية مع فريقه هذا الموسم، رغم تسجيله ل 15 هدفا وصناعته ل 14 خلال المباريات التي خاضها مع الزمالك بمختلف المسابقات هذا الموسم.
وكتب زيزو في ستوري عبر حسابه الرسمي على انستجرام: "مش عارف ايه الموضوع بالضبط عشان انا مش متعود أتابع سوشيال ميديا كتير، بس كنت عايز أقول كلمتين، وجهة نظرك صح 100% أنا عارف إن ال 30 مساهمة السنة دي مش أحسن حاجة وأنا مقتنع جدا بوجهة نظرك"
وأضاف: "ركز بقى في مستقبلك واسعى في كذا حاجة لعل ربنا يكون كاتبلك خير في الحاجات اللي هتسعى فيها وتكون رزق ليك ولأولادك، اسعى في حاجة تقدر تفيد وتعلم أولادك بيها لأن في الأول وفي الأخر محدش هيغير حاجة ربنا كاتبها"
واختتم: "بتمنالكوا كل خير وربنا يوفقكوا في أي حاجة كويسة هتسعوا ليها في الأخر أنا الحمد لله رزقي مكتوب وأنا بسعى وربنا دايما مبيجبش غير الخير"
ويشير زيزو بما دونه إلى رده على تداول بعض الجماهير لأرقامه هذا الموسم مع الزمالك في ظل تراجع الفريق محليا وكذلك على المستوى الأفريقي.
ويستعد الزمالك لمواجهة أسوان يوم الخميس المقبل ضمن منافسات الدوري الممتاز هذا الموسم علما بأن الفريق خسر في آخر لقاء خاضه ضد الإسماعيلي بهدفين مقابل هدف.
اقرأ أيضًا: سر ظهور إمام عاشور في تدريب الزمالك "صورة"