«المساهمة في 30 هدفًا ليس الأفضل».. رسائل نارية من زيزو لمنتقديه

وجه أحمد مصطفى «زيزو»، جناح الفريق الأول لكرة القدم بنادي الزمالك، رسائل نارية، وذلك بعد الانتقادات التي تعرض لها اللاعب في الفترة الأخيرة.
وكتب «زيزو»، عبر «استوري»، على حسابه الرسمي على موقع التواصل الاجتماعي «انستجرام»: «هو أنا مش عارف إيه الموضوع بالظبط عشان أنا مش متعود أتابع السوشيال ميديا كتير، بس كنت عاوز أقول كلمتين، وجهة نظرك صح 100%، أنا عارف أن ال30 مساهمة السنة دي مش أحسن حاجة وأنا مقتنع جدًا بوجهة نظرك، ركز بقى في مستقبلك واسعى في كذا حاجة لعل ربنا يكون كاتبلك خير فالحاجات اللي هتسعى فيها وتكون رزق ليك ولأولادك، أسعى في حاجة تقدر تفيد وتعلم بيها أولادك، لأن فالاخر محدش هيغير حاجة ربنا كاتبها.. كل محاولاتك واجتهادك وتعبك ده كان ممكن يفيدك جدًا لو في حاجة مهمة».
وأتم: «بتمنالكوا كل خير وربنا يوفقوا في أي حاجة كويسة هتسعوا ليها، فالاخر أنا الحمدالله رزقي مكتوب وأنا بسعى وربنا دايما مبيجبش غير الخير، صباح الفل».