إيمي طلعت زكريا تكشف حقيقة خلافها مع هنا الزاهد

حلت الفنانة إيمي طلعت زكريا، ضيفة في برنامج "عيش سعيد"، والذي يقدمه كلًا من: إيهاب صالح، لينا صالح، وسهى رضا، على قناة Etc.
وكشفت عن علاقتها بالفنانة هنا الزاهد، وأخواتها، ومن تتمنى العمل معه، وعن أعمالها القادمة، قائلة: "أنا فعلًا بعتبر هنا، وأخواتها أخواتي لأن فعلًا بابا كان بيحبهم جدًا، وأنا أي حد بابا كان بيحبه أنا بحبه، لسه حتى الأسبوع اللي فات كنت عندهم أنا وعمر، كنا سهرانين عندهم لحد بعد الفجر، وكانت هنا موجودة، وكنا قاعدين وأحمد قاعد يكلمنا فيديو كول، احنا عيلة بعيد عن أي كلام مفيش غِيرة، غيرة ايه، يعني أنا لاين وهنا لاين تاني خالص، ودايمًا أي حاجة بتعملها أنا ببارك لها، وهي أي حاجة أنا بعملها هي بتبارك لي، وعلى طول مع بعض، وبنقعد مع بعض نفتكر بابا، ولازم نقرأ له الفاتحة، واحنا قاعدين مع بعض متجمعين".
وتابعت: "لا هو زمانه مبسوط دلوقتي، حتى علاقة مامت هنا بمامتي حلوة جدًا جدًا، أصل خلاص هو راح في أي حاجة لا خلاص احنا مع بعض، وكويسين مع بعض، ومامت هنا، كانت قاعدة جنب ماما، في العزا وبيخدوا العزا".
وأضافت: "رغم أنه كان انفصل عن ماما هنا قبل الوفاة بسنة، بس علاقتنا كانت كويسة، أنا بحبهم بحسهم إن هما أخواتي، بينا حاجات كتير ومواقف كتير، فلا مفيش بينا حاجة تانية خالص".
وأضافت: "بعد الزعيم انا كان نفسي اشتغل مع الزعيم لكن ده محصلش اشتغلت مع سمير غانم وحسن يوسف، طبعًا ووقفت ادامهم على خشبة المسرح ده بالنسبة لي انا كدا اكتفيت ".
وأكملت: "نفسي اشتغل من الجيل ده طبعًا من أذكى الفنانين اللي انا بشوفها، وهو نجم في حتته وبرافو عليه جدًا ونفسي اشتغل معاه أحمد مكي".
وتابعت: "أحمد مكي اد أي ممثل ذكي، مبيتكلمش كتير على الفاضي، بيشتغل وبِينجح اي حد بيشتغل معاه، يعني بيومي فؤاد، محمد سلام، ناس كتير جدًا اشتغلوا معاه ونجحوا، ونفسي جدًا اشتغل معاه، ورحمة وكل الناس دي".
وأضافت: "هو بيحب يساعد الممثل، مبيحبش يبخل على الممثل بأي حاجة فنفسي أحمد مكي جدًا ".
وتابعت: "هو لسه مفيش تحضير لحاجة في رمضان بس في مسرح، لاني بعشق المسرح جدًا، مع المنتج الكبير أحمد الإبياري، انا مش عارفة هيقول اي بعد التصريح ده ربنا يستر، حاجة برده قريب ان شاء الله وهتبقى حاجة على مستوى كبير جدًا وحاجة فيها شغل كتير".
وتابعت: "بحب المسرح جدًا، عايزة اقولك ان في نجوم باقت معروفة جدًا بتخاف تشتغل مسرح، تقولك لا انا مقدرش أقف على خشبة مسرح، اشتغل سينما، واشتغل فيديو، لكن المسرح ده مرعب ف ناس كتير جدًا كدا".
وأختتمت: "البروفات هتبدأ قريب لكن العرض هيبقى على نص السنة، وباقي الكاست لسه انا فعلًا معرفش باقي الكاست".
اقرأ أيضاً: تصميم الحمار الوحشي| سعر خيالي ل«فستان» رانيا يوسف