مصريون يعرضون مقتنياتهم الشخصية بمزاد علني لدعم «سيلين» مريضة ضمور العضلات

تدهورت الحالة الصحية للطفلة سيلين أيمن التي تعاني من مرض ضمور العضلات الشوكي، حيث تحتاج إلى حقنة قيمتها 40 مليون جنيه، وسط مناشدات لإنقاذها.
اقرأ أيضا- «العربية لحقوق الإنسان»: هناك إرداة سياسية حقيقية للنهوض بالملف الحقوقي
وتصدر هاشتاج «#انقذوا_حياه_سيلين» محركات البحث ومواقع التواصل الاجتماعي، حيث طالب رواد مواقع التواصل الجميع بمساعدة الطفلة وإنقاذ حياتها من خلال حملات التبرع التي دشنت من أجلها على غرار الطفلة رقية.
ونشرت إحدى الصفحات المسئولة عن حملة التبرعات تفاصيل حالتها الصحية، وكتب المسئولون عن حملة التبرعات:«للناس اللي بتسألنا على سيلين.. سيلين مبتاكلش و بتعمل جلسات تنفس و مبتتحركش تقريباً و في انتظار نتايج الفحوصات اللي اتعملت .. ادعولها».
وأضافت: «الاطباء المتابعين للحالة معندهمش دلوقتي غير أمل واحد بعد ربنا .. و هو أنها تاخد الحقنة في اسرع وقت. النهاردة قبل بكره ..سيلين مبتعملش حاجه غير أنها بتمسك في ايدين أهلها عشان يلحقوها».
و خلال اليومين الماضيين منذ تم الإعلان عن تدهور حالة الطفلة، عرض مجموعة من رواد مواقع التواصل الاجتماعي مقتنياتهم الشخصية في مزاد علني دعما للطفلة سيلين.
«وَفِي ذَلِكَ فَلْيَتَنَافَسِ الْمُتَنَافِسُون»، هكذا بدأت حديثها إيناس عز الدين، حيث قالت: «السلسلة البسيطة دي كانت جيالي هدية من صديقتي العزيزة اميران سليم في عيد ميلادي اللي فات ودي الحاجة الدهب الوحيدة اللي عندي لأني مش من هواة ولا محبي الدهب و انا عارضاها في مزاد لأعلى سعر لصالح الطفلة سيلين و اللي هياخدها هيحول فلوسه».
وأعلنت فيما بعد: «السلسلة وصلت في المزاد إلى 30 ألف جنيه وفيه ناس حولوا واتبرعوا خارج المزاد أصلًا ولسه طمعانة في خيركم وكرم ربنا».
وفي نفس السياق ، قال محمد ونس مسئول عن إحدى جروبات التبرعات الخاصة بالطفلة سيلين: «سيدة قررت تتبرع بحلق دايموند لصالح سيلين ومدخلاه مزاد خيري.. بتقولنا هو صغير جداً معلش بس ده بيرسينج لازوردى دايموند ودهب ابيض ومعاه الفاتوره وشهاده الضمان واستعمال 70 يوم فقط .لو حد يحب يزود».
وأضافت هند زكريا: «ده حلق بنتى قد سيلين عاوزة ادخلو فى مزاد لسيلين ربنا يشفيها ويعافيها هو جرام و 10 ملى عيار 18 حاجة بسيطة بس الواحد بيعمل الى يقدر عليه، لو كل واحد ساعد ب أى حاجة يقدر عليها ان شاء الله المبلغ هيتجمع وهتاخد الحقنة وتبقى أحلى بنت فى دنيا.. الحلق سعره معدى 1000 جنية جديد اتمنى يجيب اعلى سعر علشان خاطر سيلين».