أحيل لمحكمة الجنايات.. اعترافات المتهم بخطف ملكة جمال مصر

أحال المحامي العام الأول لنيابة القاهرة الجديدة الكلية المتهم بخطف الفائزة بملكة جمال الأناقة العالمية من على الريد كاربت وهي خطيبة أحد الإعلاميين ومقدم مهرجان شهير الإذاعة والتليفزيون والاعتداء عليها إلى الجنايات.
وجاءت اعترفات المتهم في تحقيقات النيابة كالتالي:
س/ ما قولك فيما هو منسوب اليك من انك متهم باحتجاز المجني عليها بمسكنك دون أمر الحكام أو السلطة المختصة بذلك على النحو المبين بالتحقيقات؟
ج/ محصلش
س/ وما الذي حدث اذا ؟وما تفصيلات الواقعة؟
ج/ اللي حصل أنها تبقى صاحبة واحد صاحبي بيشتغل مذيع وفي علاقة بينه وبينها وأنا كنت شفتها قبل كده ثلاث مرات، منهم مرة جات هي وصاحبي باتوا عندي، ويوم الجمعة كنت في طيبة مول في مدينة نصر في مهرجان الإذاعة والتلفزيون واللي كان داعيني للمهرجان هو صاحبي علشان هو اللي كان بيقدم المهرجان، وهناك قابلتها وقعدنا مع بعض وخدنا أرقام بعض وكان معانا بنت اسمها "ش.ن" اتعرفت عليها في المهرجان وأخدت رقمها وخلال المهرجان دخلت بنت تانية ودي تبقى صاحبة صاحبي شوية بيقول إنها خطبيته وشوية مديرة أعماله، ولما خطيبة صاحبي شافتها توترت جدا وارتبكت وقالت إن كده هيحصل مشكلة لأن الأولى بتقول إنها خطيبة صاحبي، والتانية بتقول إنها خطيبة صاحبي وبعد كده وفي نهاية المهرجان، حصل بينها وبين صاحبي مشكلة علشان راحت بتقوله يا حبيبي، فهو قالها مينفعش الكلام ده هنا وراحت سابت المهرجان ومشيت وأنا قعدت مع صاحبي شوية.
وأضاف المتهم: "بعدها على الساعة 10.00 خطيبة صاحبي كلمتني قالتلي أنا عند طريق السويس عند إحدى محطات البنزين اللي في مدخل مدينتي وراكنة في البطيء وراكبة عربية سوداء ومشغلة الانتظار، فقولتلها أنا هجيلك، وأقل من نصف ساعة هبقى عندك، ولما عديت بوابة الرسوم لطريق السويس كلمتها قالتلي أنا واقفة في البنزينة من بره من البطيء ومشغلة الانتظار، وصلت ومشيت ورايا وروحنا كافيه.
الذهاب لمنزل المتهم
وأوضح المتهم أنه بعد كده خدتها وطلعنا على البيت علشان تبات هناك وأنا اسيب البيت ونزلت اروح ابات عند حد من صحابي، ولما وصلنا هي ركنت في الباركينج اللي قدام العمارة الناحية الثانية وجابت شنطة هدومها - شنطة هاندي رصاصي - وشنطة تاني خاصة بها صغيرة وطلعت معايا البيت وقلعت الجزمة وأكلت، ودخلت غيرت هدومها وقلعت الهدوم اللي كانت لبساها.
المرة الأولى لمغادرة منزل المتهم
وأوضح المتهم انه بعدها بساعة تقريبا نزلنا تاني علشان هي كانت عايزة تشرب قهوة بندق، وأنا معنديش في البيت، وسابت الشنطة الهاندباج بتاعتها، وشنطيتها واحنا عند عربيتها قالتلي انها عايزة البالطوا وماخديتش حاجة غير الموبايل والسجاير والجاكيت عندي في العربية وادتهوني وكانت لابسه البلطو ولبسته، وروحنا على بنزينة قعدنا هناك حوالي ساعة، شربنا قهوة وقعدت تحكيلي على مشكلة بينها وبين صاحبي في نفس الوقت، وحكيتلي أنه أقام معها علاقة ووعدها بالجواز، وأنه واخد منها مبلغ مالي 8000 جنيه لأن أبوه تعبان وعنده كورونا في المستشفى وبعدين راسمه إن هي متضايقة منه بسبب أنه هو فصلها في المهرجان وقعد مع واحدة تانية، وفي الآخر مشي مع واحدة ثالثة خالص، و بعد كده قالتلي هنروح دلوقتي ولا إيه، فقولتلها زي مانتي عايزة، وقولتلها انا هروح أوديكي عند البيت وانزل ثاني.
س/ وما ظروف نشأتك؟
ج/ أنا والدي مزارع، ووالدتي ست بيت، وعندي ثلاث اخوات، والحمد لله كنا حالنا المادي كويس، وكنت متربي في قرية وكنت بحفظ قرءان في الكتاب في البلد من وانا في ثالثة ابتدائي، وكنت القارئ للقرءان بتاع الاذاعة المدرسية في البلد في المدرسة علشان صوتي حلو و بعد كدا سبت البلد بقيت مع والدي في القاهرة، وكنا مقيمين في عزبة النخل، وبعد كدا فتحت محل في عام 2011 في التجمع وبعد كده فتحت معرض المفروشات في البلد، واشتغلت في المقاولات سمسار عقارات.
جاء بأمر الإحالة أن المتهم صاحب معرض مفروشات ومراتب وسمسار خطف بالتحايل المجني عليها "ن.ع" مضيفة طيران وملكة جمال مصر للطافة بأن أوهمها بانتظار أحد أصدقائها خطيبها والذي يعمل إعلاميا بإحدى القنوات ومقدم مهرجان شهير بالإذاعة والتليفزيون بمحل سكنه لحل الخلافات التي نشبت فيما بينهما فأمنت له واستدرجها إلي مسكنه وما إن وصلا حتى اقتادها عنوة وأوصد بابها قاصدا من ذلك إبعادها عن أعين الناس واحتجزها في ذلك المكان لعدة ساعات ولم يطلق سراحها إلا عقب ارتكابه جريمته.
اقرأ أيضا|ضبط تشكيل عصابي تخصص في سرقة السيارات بالقليوبية