انتصار تروي موقف مؤثر حدث لها مع محمد رمضان قبل شهرته

قالت الفنانة انتصار، إن علاقة وطيدة تجمعها بالفنان محمد رمضان، موضحةً: "مزعلش مني لما قلت إنه مش نمبر وان، وعلاقتي قوية به بدرجة أكبر من إنه يزعل منه".
وأضافت انتصار، خلال حوارها ببرنامج "العرافة"، المذاع على قناة "المحور": "بمثل له حاجة مهمة، وهو يمثل لي ذكرى مهمة ذكرني بها، كان لسه مش معروف وصغير شوية عن كده، كان بيمشي مع صاحب شبهه أوي في مسرح البالون، وكان بشنطة هاند باج على كتفهم كأنوا خارجين من المدرسة".
وتابعت: "دخلوا مسرح البالون، كنت واقفة مع الفنان الراحل إبراهيم نصر، والمخرج الراحل محسن إبراهيم جوه الخشبة، ولقيت 2 صغيرين ورفيعين، كنا بنعمل حاجة للشغل، وانا الوحيدة اللي انتبهت لمحمد رمضان وصحبه، فقالي إحنا بنلف في المسارح وبندور على شغل وفرص، وقلت له انت عاوز تعمل ايه، إحنا بنعمل بروفات وممكن المخرج يزعق".
وأردفت: "محمد رمضان كان عارف إن ده محسن حلمي وقالي عاوزين نوري له إننا بنعرف نمثل، فاستأذنت المخرج، ولما لقاني متحمسة قالي هاتيهم، قلعوا الشنط وقلد أحمد زكي أو محمد سعد وجابه بالظبط، وزميله عمل الشخصية التانية، وقعدوا وقت كتير، فأنا صفقت، وقلت لهم لازم يمشوا، عشان كنت خايفة أتشاط من المخرج وإبراهيم نصر، وفضلت أساعدهم عشان كنا بالليل".
وواصلت: "كنا في مهرجان القاهرة السينمائي الدولي، تم عرض فيلم له سوسن بدر، وسلم عليّ، وقالي ازيك يا انتصار، فقالي انتي مش فاكرة!؟ قالي أنا الولد الصغير اللي كان معاه صحبه على مسرح البالون وفكرني بالموقف
أقرا ايضاً: انتصار: أنا النجمة «واللي مش عاجبه أني مشهورة يضرب راسه في الحيط»