حمو بيكا عن استعداده لتغيير اسمه: ممكن أغير حياتي كلها علشان أكل عيش| فيديو

أكد حمو بيكا مطرب المهرجانات، أنه يريد تغيير حياته كلها لكى يعمل، وقال: "أنا مستعد أغير حياتى كلها، أنا عاوز أشتغل، مش اسم بيكا بس اللى أغيروا، عاوز أكل عيش، وأنا اسمى محمد محمود والدلع بتاعى حمو".
وأضاف خلال مداخلة مع الإعلامى عمرو أديب ببرنامج "الحكاية": "معنديش أى مشكلة، كل مشكلتى أنى أكل عيش، عاوزين يشيلوا بيكا يشيلوه، اللى عاوزين يعملوه معايا يعملوه، أنا كل ورقى فى النقابة، وورقى كله سليم، أنا أكتر واحد كل ورقى سليم". وقال: "ربنا معايا فى الامتحان".
اقرأ أيضاً|«الموسيقيين» عن تغيير أسماء بعض مطربي المهرجات: مش معقول مغني يكون اسمه «طيخة»
وفي سياق متصل قال عنبة، مطرب المهرجانات، إن اسمه الأصلي مصطفى سعيد، وشهرته "عناب"، متابعا: "الواحد لما ربنا كرمه واتشهر باسم عنبة، وأنا كنت بلعب كورة وأنا صغير، وكنت بحط عنب في جيبي، ومن ساعتها الاسم طلع عليا".
وأضاف خلال مداخلة مع الإعلامي عمرو أديب ببرنامج "الحكاية" : "أنا مضيت إقرار بتغيير اسمي من عنبة لمصطفى عناب".
وعلق المطرب حسن شاكوش، مطرب المهرجانات، على تغيير اسمه للعودة للنقابة، قائلا: "أنا اسمي في النقابة حسن منصور".
وأضاف "شاكوش"، خلال مداخلة هاتفية ببرنامج "الحكاية"، المُذاع عبر فضائية "إم بي سي مصر": "أما قدمت في النقابة قدمت على حسن منصور مش حسن شاكوش"، موضحا: "حسن شاكوش اسم الشهرة فقط بين الناس، إنما الكارنيه حسن منصور".
وأشار حسن شاكوش إلي أنه في النقابة اخواتنا الكبار وأكيد هما شايفين حاجة إحنا مش شايفنيها"، مردفا: "أنا مش هفرض على الناس اسم معين اللي عايز يقولي يا شاكوش يقول".
وأوضح المطرب حسن شاكوش: "أنا وصلت لمرحلة إني مش محتاج اسم.. صورتي لوحدها تتعرف".