أبرز 10 تصريحات ل مصطفى فهمي عن طليقته فاتن موسى

تصدر الفنان مصطفى فهمي، تريند رقم واحد على مؤشر البث جوجل، وذلك عقب استضافته في برنامج "الحكاية" ل عمرو أديب، وهو ظهوره الأول بعد إنفصاله عن زوجته فاتن موسى".
وترصد "بوابة أخبار اليوم"، في السطور التالية أبرز 10 تصريحات ل مصطفى فهمي في البرنامج..
1- "تحملت السب والقذف على السوشيال ميديا، إلى أن حدث موقف قررت بعده أن أتحدث عن الأزمة".
2- "هي قاعدة في الشقة ومحدش قرب جنبها، وأنا قاعد في لوكاندة وهدومي كلها في البيت، وكانت جايبه بتوع أمن قدام الشقة لمدة 12 يوم."
3- "أنا بعد 12 يوم جبت واحد بتاع أمن مرخص، عايز أشوف يمكن في حاجات بتخرج من الشقة. بعد 48 ساعة مشوا الجماعة بتوعهم، وبعدها بساعة جت المحامية ومعاها ظابط من قسم الدقي، وادعوا عن شاب الأمن وحارس العمارة إنهم ماسكين سكاكين وسواطير وبيهددوها وهي في الشقة، وإن ده كله تحريض مني."
4- "شاب الأمن وحارس العمارة اتاخدوا على القسم وباتوا ليلتين، والشاب ده في سنة أولى جامعة وبيجري على رزقه، والدته جت القسم وركعت في الشارع على رجل المحامية، وقالتلها ابني هيضيع مستقبله، فقالت الموضوع خرج من إيدي، فأنا قلت مش هسكت. إحنا دخلنا في موضوع إرهاب، دي جريمة إني أحرض على قتل حد."
5- مرحلة الرومانسية والهدايا والحب تكون في بداية الزواج، وبعدها تبدأ مرحلة العشرة، وهي المرحلة التي يتوقف عليها الاستمرار أو الانفصال.
6- "الحب في الجواز بيتحول لعشرة، وإنت بتكتشف اللي قدامك في عشرته مش في الحب. الحب خلص في الجزء الأولاني ويا حياتي ويا روحي وأنا تحت أمرك، لما تدخل في الحياة بين أربع حيطان تبتدي تبقى عشرة، يا عشرة حلوة يا عشرة وحشة، يا تقدر تستحمل وتكمل يا متقدرش تستحمل وتكمل."
7- "أول ما بتقول مش قادر أكمل يبتدي عليك الهجوم، ليه أكمل في حياة أنا مش مبسوط فيها؟ الحياة وصلت بيني وبين الشخص اللي قدامي لخناقات مستمرة لا تنتهي، أروح بيتي مكتئب ليه؟ وفي طرف تاني مش عايز يسيبك، وتحاول تتفاهم ميحصلش تفاهم."
8- "طلعت حرامي غسيل.. أخرتي بعد الزمن دا كله أخد هدوم واحدة ست، حطيت كل محتوياتها بإيدي في الشنط أنا أحسن واحد يرتب شنط وهي عارفة كدا".
9- استحالة تفهم المرأة..وفي ست عايزة تعكنن عليك.
10- عندي حاجات ممكن أقولها لكن عيب إني أشهر بست ممكن تتجوز تاني.