ربنا بيحبنى

بسم الله

طبعا، ربنا بيحب كل إنسان مخلص فى حياته، كل مجتهد على أولاده، كل عاشق لوطنه وشعبه. وكما قال الرئيس عبد الفتاح السيسى: «والله أتمنى أعمل كل حاجة حلوة للناس، خاصة الناس اللى ظروفها صعبة، واحنا دولة مش غنية، لكن على الأقل يبقى قلوبنا وإرادتنا معاهم، وربنا سبحانه وتعالى يعينا أن نقدم لهم حاجة على قد ما ربنا يقدرنا». هكذا تفاعل الرئيس مع حكاية السيدة ناهد جمال سعيد، الأم التى لجأت للعمل سائقة تروسيكل، والتى كشفت فى مداخلة هاتفية لبرنامج «من مصر» مع الإعلامية ريهام إبراهيم والإعلامى عمرو خليل، عبر قناة CBC، أنها لجأت إلى العمل على التروسيكل بسبب مشاكل حدثت لزوجها. قالت: «جوزى فى ظروف خارجة عن إرادته، حصلت له مشكلة ومش موجود معانا.. وهو كان شايلنا كلنا، جبت التروسيكل قسط علشان اشتغل عليه».
ما حدث دور مهم لوسائل الإعلام كافة. لقد عرض برنامج «من مصر» قصة السيدة ناهد، وهى تحمل «رمل وطوب وعفش» لتتمكن من الصرف على أسرتها، فهى أم لخمس بنات. قالت ناهد: «شقيانة علشان أعلم عيالى.. واللى أنا فيه دلوقتى علشان يعيشوا عيشة مرتاحة ومايبصوش لحد». وأضافت «فيه ناس بتضايقنى لما بشتغل على التروسيكل. لكن مليش دعوة بيهم، علشان أنا بشوف أكل عيشى.. وكل اللى أنا طالباه رخصة كشك علشان تعبت من التروسيكل.. راجية من الله أن يفك ضيقة جوزى، وأنا تبع مدينة أوسيم».
استجاب الرئيس السيسى للسيدة ناهد وأجرى مداخلة مع القناة، قال: «يا ريت نفضل نقدم الأمثلة دى وتبقى موجودة معانا، أنا بأبلغ تحياتى واعتزازى لها، وكمان ألمى الشديد إنه يبقى فيه 5 بنات وهى بتجرى عليهم كده واحنا بنتفرج. ربنا يديكى الصحة. وهندبر كل اللى أنت عايزاه وتستحقى كل خير. وكل ست بتعمل كده تاج على راسنا وتشرفنا. والسيدة دى ست ب 100 راجل، وبقول لكل مسئول فى مصر من فضلكم خلوا بالكم من أهلكم وناسكم، واحنا مسئولين عنها فى الظروف اللى زى دى». لهذا قالت ناهد «أنا ربنا بيحبنى».
دعاء: اللهم اجبر خاطرنا يا كريم.