شيكو: ربنا كرمنا في «اللعبة 2».. وجزء ثالث قريبًا

قدم الفنان شيكو، رسالة لجمهوره بعد نجاح مسلسله "اللعبة 2".
وكتب "شيكو" عبر صفحته بموقع التواصل الاجتماعي "فيسبوك": "الحمد لله ربنا كرمنا اوي في اللعبة الجزء التاني.. مش عارف حاجة غير فعلا الحمد لله عايز اشكر كل الناس بجد من اول المنتج اخويا المتفائل امير شوقي والمخرج السهل الممتنع وش السعد اخويا معتز التوني وفريقه وممدوح و شومان وروبير وسارة ، كل مديري التصوير الي اشتغلوا معانا ولديكور اللذيذ Ahmed Azab والستايلست وفريق الكتابة الشطار الي تعبوا معانا جامد وفريق الانتاج المحترف ومحمد السيد".
وأضاف: "عايز اشكر كل الممثلين الي اشتغلوا في المسلسل بكل ادوارهم الكبيرة الي اصغر حد وعلي رأسهم الملط سامي مغاوري والكبيرة Arfa Abdel Rassoul والم المزعجة مي كساب وحبيبة قلبو ميرنا جميل واخواتي عشرة السنين و رفقاء الكفاح الي بيظبطوا اي عمل يبقوا افيه احمد فتحي ومحمد ثروت اللي مفيش حاجة منغيره بتتعمل بيومي فؤاد - واستاذي في المسرح Mohamed Outaka و ولادنا Nour Hamza Hassan Wael Kenzy Ramah و المنضمين حديثا الي اللعبة الاستاذة Rania Youssef و الخطير Hossam Dagher و المرحومة الاستاذة احلام الجريتلي و كل ضيوف الشرف الي شرفونا".
وتابع "عايز كمان اشكر فريق عمل Shahid و MBC مصر .و اخيرا اشكر اخويا و زميل الدراسة و التمثيل و كل حاجة اخويا بجد Hesham Maged Shooma 24 سنة السنادي يا تافه علي مدار الشهر الي فات تابعنا كل كلامكم و كمنتاتكم و كنا مبسوطين اوي و فرحانين اننا قدرنا نخليكم تضحكوا كدة الحمدلله و فخورين اننا عملنا مسلسل قدرتوا تتفرجوا عليه العائلة كلها مع بعض كان تحدي صعب و الحمد لله دي نعمة من عند ربنا و يارب دايما نفضل نضحككم كدة و تبقوا مبسوطين مننا.. المسلسل دا تقريبا احسن رد فعل لاي شغل عملناه و يارب نفضل دايما عند حسن ظنكم استنونا في الجزء الثالث اللعب مع الكبار قريب اوي...اوييي".
مسلسل «اللعبة 2» الجزء الثاني إشرف على فريق الكتابة فادي أبو السعود، وسيناريو وحوار أحمد سعد والي، ومحمد صلاح خطّاب، وابراهيم صابر، ومن إخراج معتز التوني، وبطولة، شيكو، هشام ماجد، رانيا يوسف، بيومي فؤاد، ميرنا جميل، مي كساب، محمد ثروت، أحمد فتحي، سامي مغاوري، عارفة عبد الرسول، حسام داغر، ياسر محمد، دعاء رجب، منى جمال وآخرين.