فيديو وصور| «زرزارة» .. أعلى الجبل وأسفل الحياة

◄| سقطت سهوا من مخطط تطوير «العشوائيات ذات الخطورة الداهمة»
◄| الأهالى :« إحنا عايشين ميتين.. وعيالنا طفشوا منا»
◄| نائب محافظ القاهرة: المنطقة تابعة لمنشية ناصر ويتم دراستها جيولوجيا
عشش في قلب الجبل، على وشك الانهيار، قمامة في كل مكان، انعدام شبه كامل، لكل سبل المعيشة، والخدمات، انتشار للأمراض وغياب تام لمنظومة الصحة... معاناة مزمنة، يعاني منها أهالي منطقة «زرزارة أو تبة فرعون» بالدويقة، التابعة لمحافظة القاهرة، في الوقت الذي قامت فيه المحافظة، بتطوير عدد من المناطق العشوائية التي وصفتها ب «ذات الخطورة الداهمة»، وإنشاء الوحدات السكنية اللازمة البديلة للمناطق المهددة منها بالانهيار، كما وفرت أحياء مثل «الأسمرات» بالمقطم و«المحروسة» بمدينة السلام.
لكن يبدو أن منطقة « زرزارة» سقطت سهوا من ذاكرة المسئولين، حيث رفع اهالى المنطقة شعار" الشكوى لغير الله مذلة"، بعد ان فقدوا الأمل فى ادراج المنطقة ضمن خطة التطوير.
"سابونا اكتر من 10 سنين .. ولا عايزين يشلونا .. وحياتنا واقفة، ومعناش نأجر شقق .. الخلو 5000 والاجار 500 جنية، وجوزي على باب الله ،، احنا مش عايشين ،، احنا عايشين وميتين .. الواحد كره نفسة من كتر العيشة هنا ،، نفسنا نعيش زي ما الناس عايشة" .. قالتها أم ليلى بنبرة حزينة، وأردفت " حسبي الله ونعم الوكيل".
احمد ويعمل حلاق بالمنطقة، أضاف انه مقيم بالمكان منذ اكثر من 5 سنين، بسب ظروف المعيشة وعدم قدرته على دفع ايجار او شراء منزل، معلل أن هذا هو المكان الوحيد الذي يمكنه العيش به، وأضاف "كل ما يجي الحصر يقولي هات اسبات ان انتا قاعد هنا .. مش هينفع نشيلك من هنا الا لما تجيب اسبات .. وانا بطاقتي باب الشعرية ومش هينفع اغيرها للدويقة .. عشان لو عديت على اي كمين ولقى بطاقتي دويقة .. هيقولي اركب .. فلازم ابقى مسجل او اجبله محضر اني مسجل عشان يعترف بيا اني قاعد هنا" ..
وأشار احمد ويعمل نقاش، "قالولنا التوزيع بتاعكم في 6 اكتوبر .. وكل واحد اكل عيشه هنا او في السيدة عائشة .. هروح هناك اشتغل اية .. هشتغل صايع هناك ؟؟"
وقال الحج جمال، "انا عايزاعيش عيشة مرتاحة .. عيالي طفشوا مني .. كان معايا 3 رجاله و بنت طفشوا مني .. وقالولي احنا مش عايزين نعيش في المكان الزبالة ده" ..
وقال علاء ويعمل خراط بمنطقة مساكن الحرفيين في الدويقة، ومقيم بالمنطقة منذ عشر سنوات، ملفتا "هنا الحرامية بتطلع نصابين بيطلعوا .. بيشربوا مخدرات ويتهجموا علينا بالمطاوي .. كل مرة يجوا يقوللنا هنشلكم وميشيلوش .. وكذا مرة جم حصروا هنا وماشلوش" .
وقال الحج عزت، "مش لاقي مكان اروحوا وبقالي تسع سنين .. وأبويا مات هنا ودافنه بقالي 5 سنين .. ولا لاقين نأكل ولا نشرب ولا حتى لاقي اعمل حمام .. كل شوية يجي الحي يضحك علينا ويسبونا ويمشوا .. والي ربنا كارمه ومعاه قرشين .. يجي يبنوا غرفة وخلاص على كده .. ولما المطرة تمطر علينا نتكهرب كلنا .. والحرامية بيطلعوا علينا كل يوم .. يسرقوا اي حاجة .. لدرجة انهم بوظولي دراعي علشان تلاته جنية ..
ووجه عزت رسالة للمسئولين قائلا "نظرة عطف من عند ربنا .. احنا تعبنا لما استوينا .. ولا عارفين حنين من غبي .. كل شوية حد يجي يضحك علينا ويمشي .. احنا حتى مش على الخريطة"، كما حظرهم قائلا "احنا هنكتر كتير اوي هنا .. خلي بالكم .. وهتبقى قنبلة موقوتة"، كما طالبهم " لو بتدوروا دواروا هنا .. ومتشيلوش الا هنا".
وأكد اللواء أيمن عبد التواب نائب محافظ القاهرة ل«بوابة أخبار اليوم» أن منطقة «زرزارة» تعتبر تابعة لمنشية ناصر، مشيرا الى أن محافظة القاهرة بالتعاون مع وزارة الإسكان تدرس إعادة دارسة منطقة منشية ناصر جيولوجيا للتأكد من صلاحية تربتها لإقامة مشروعات عقارية عليها بأسلوب متحضر وتستغرق هذه العملية عام ونصف كأقصى تقدير.
وأوضح نائب المحافظ، ان اذا اكدت الدراسة الجيولوجية ازالة هذه المنطقة«زرزارة» سيتم ازالتها على الفور وإخلاء سكانها مثل ما حدث مع غيرهم في المنطقة، وتوفير اماكن بديلة حتى الانتهاء من المشروع.
وكان الرئيس عبدالفتاح السيسي قد وجه بضرورة الانتهاء من تطوير العشوائيات، وإنشاء الوحدات السكنية اللازمة البديلة للمناطق المهددة منها، خلال عام.
كاميرا «بوابة أخبار اليوم» رصدت معاناة الأهالي بمنطقة «زرزارة» :