إحم إحم

حزمني يابا..طبّلي يامه !!

- أبوك دبت فيه الروح فيه فجأة وطلع من تحت البطانية عايز يشوف عريس لصافيناز علشان تاخد الجنسية وتترشح خلي البرلمان يلعلع
مكالمة من أمي في البلد
- جود مورننج ياولدي،إزيك وازي مراتك وبناتك؟
- هههههههه الله يحظك يامه بترطني انجليزي دلوقتي؟
- ومرطنش ليه يعني؟ هم يعني اللي بيرطنوا أحسن من أمك؟
- لا يامه لا سمح الله عموما جود مورننج ورحمة الله وبركاته المهم طمنيني انتي عاملة إيه وأخبار أبويا الحاج إيه؟
- اللي بيشوفه ياولدي!
- يعني إيه يامه اللي بيشوفه، ليه هو أبويا راح فين؟
- مانت عارف من أول الشتا وهو واخد الراديو في حضنه ولابد تحت البطاطين لا بنشوفه ولا بيكلمنا !
- معلش يامه هانت أهم بتوع الأرصاد قايلين في الجرايد البرد قرب يخلص.
- بمناسبة الجرايد ياولدي ألا هو صحيح اللي مكتوب علي سما المصري؟
- سما المصري مين يامه؟
- أيوه أيوه اعملي الشويتين بتوعك دول..تمام زي أبوك يبقي عارف كل حاجة ويعمل مش عارف حاجة.
- الاسم ده مش غريب عليا لكن مش فاكرها بالظبط، تكونش ناشطة سياسية؟
- من جهة ناشطة فهي ناشطة جدا مش بس سياسية لا وفنية لولبية كمان.
- يامه الله لا يسيئك ياريت تحليلي الفزورة دي علشان ألحق أشوف شغلي!
- طبعا مش طايق تتكلم معايا كلمتين، لكن لو مراتك هي اللي بتكلمك كنت تقعد ترغي معاها ساعتين وفي ستين داهية الشغل مش كده؟
- يامه انتي الخير والبركة مش قصدي طبعا!
- حد فيكي يابلد مايعرفش سما المصري الرقاصة؟
- آآآآآه طب مش كنتي تقولي كده من الأول..مالها بقي سما المصري؟
- ألا صحيح قال ناوية تترشح في البرلمان اللي جاي؟
- أنا قريت الكلام ده في الجرايد زيي زيك بالظبط.
- تفتكر ممكن تعملها بجد؟
- وماله يامه من حق أي مواطن شايف نفسه يقدر يخدم البلد إنه يترشح.
- وهي الرقاصة هتعمل إيه في مجلس الشعب وكمان هتعمل حزب يدافع عن الجواز العرفي؟
- يامه كونها رقاصة ده مايمنعش أنها تترشح وعلي فكرة في أوربا والدول المتقدمة الفنانين بيوصلوا لمناصب كبيرة يعني عندك رونالد ريجان رئيس أمريكا كان ممثل وشوارزنيجر حاكم كاليفورنيا ممثل وبعدين يضرك إيه انها تدافع عن الجواز العرفي؟
- خايفة لأبوك تطق في دماغه بعد العمر ده ويعملها..بطلوا ده واسمعوا ده..عشنا وشفنا رقاصة تدخل مجلس الشعب!
- وماله يامه مش يمكن (تظبط الأداء)!
- طب ياريت صافيناز كمان تترشح وتبقي المناقشات علي واحدة ونص.
- يامه صافيناز أجنبية ولازم اللي بيترشح يكون مصري
( وهنا سمعت صوت والدي من تحت البطانية يسعل بشدة)
- خير يامه أبويا تعبان ولا إيه؟
- أبوك دبت فيه الروح فيه فجأة وطلع من تحت البطانية عايز يشوف عريس لصافيناز علشان تاخد الجنسية وتترشح خلي البرلمان يلعلع وبيقولك لو انت خايف من مراتك سيبله هو الطلعة دي لأنه راشق في الحزب ده.
- طب عن إذنك يامه
- برضه عايز تسيبني وترجع لشغلك؟
- لا يامه
- اومال بسلامتك رايح فين؟
- أتحزم وأرجعلك !
- أبوك دبت فيه الروح فيه فجأة وطلع من تحت البطانية عايز يشوف عريس لصافيناز علشان تاخد الجنسية وتترشح خلي البرلمان يلعلع
مكالمة من أمي في البلد
- جود مورننج ياولدي،إزيك وازي مراتك وبناتك؟
- هههههههه الله يحظك يامه بترطني انجليزي دلوقتي؟
- ومرطنش ليه يعني؟ هم يعني اللي بيرطنوا أحسن من أمك؟
- لا يامه لا سمح الله عموما جود مورننج ورحمة الله وبركاته المهم طمنيني انتي عاملة إيه وأخبار أبويا الحاج إيه؟
- اللي بيشوفه ياولدي!
- يعني إيه يامه اللي بيشوفه، ليه هو أبويا راح فين؟
- مانت عارف من أول الشتا وهو واخد الراديو في حضنه ولابد تحت البطاطين لا بنشوفه ولا بيكلمنا !
- معلش يامه هانت أهم بتوع الأرصاد قايلين في الجرايد البرد قرب يخلص.
- بمناسبة الجرايد ياولدي ألا هو صحيح اللي مكتوب علي سما المصري؟
- سما المصري مين يامه؟
- أيوه أيوه اعملي الشويتين بتوعك دول..تمام زي أبوك يبقي عارف كل حاجة ويعمل مش عارف حاجة.
- الاسم ده مش غريب عليا لكن مش فاكرها بالظبط، تكونش ناشطة سياسية؟
- من جهة ناشطة فهي ناشطة جدا مش بس سياسية لا وفنية لولبية كمان.
- يامه الله لا يسيئك ياريت تحليلي الفزورة دي علشان ألحق أشوف شغلي!
- طبعا مش طايق تتكلم معايا كلمتين، لكن لو مراتك هي اللي بتكلمك كنت تقعد ترغي معاها ساعتين وفي ستين داهية الشغل مش كده؟
- يامه انتي الخير والبركة مش قصدي طبعا!
- حد فيكي يابلد مايعرفش سما المصري الرقاصة؟
- آآآآآه طب مش كنتي تقولي كده من الأول..مالها بقي سما المصري؟
- ألا صحيح قال ناوية تترشح في البرلمان اللي جاي؟
- أنا قريت الكلام ده في الجرايد زيي زيك بالظبط.
- تفتكر ممكن تعملها بجد؟
- وماله يامه من حق أي مواطن شايف نفسه يقدر يخدم البلد إنه يترشح.
- وهي الرقاصة هتعمل إيه في مجلس الشعب وكمان هتعمل حزب يدافع عن الجواز العرفي؟
- يامه كونها رقاصة ده مايمنعش أنها تترشح وعلي فكرة في أوربا والدول المتقدمة الفنانين بيوصلوا لمناصب كبيرة يعني عندك رونالد ريجان رئيس أمريكا كان ممثل وشوارزنيجر حاكم كاليفورنيا ممثل وبعدين يضرك إيه انها تدافع عن الجواز العرفي؟
- خايفة لأبوك تطق في دماغه بعد العمر ده ويعملها..بطلوا ده واسمعوا ده..عشنا وشفنا رقاصة تدخل مجلس الشعب!
- وماله يامه مش يمكن (تظبط الأداء)!
- طب ياريت صافيناز كمان تترشح وتبقي المناقشات علي واحدة ونص.
- يامه صافيناز أجنبية ولازم اللي بيترشح يكون مصري
( وهنا سمعت صوت والدي من تحت البطانية يسعل بشدة)
- خير يامه أبويا تعبان ولا إيه؟
- أبوك دبت فيه الروح فيه فجأة وطلع من تحت البطانية عايز يشوف عريس لصافيناز علشان تاخد الجنسية وتترشح خلي البرلمان يلعلع وبيقولك لو انت خايف من مراتك سيبله هو الطلعة دي لأنه راشق في الحزب ده.
- طب عن إذنك يامه
- برضه عايز تسيبني وترجع لشغلك؟
- لا يامه
- اومال بسلامتك رايح فين؟
- أتحزم وأرجعلك !