بالصور .. نشطاء"فيسبوك" للبرنس: سنظل أوفياء

أثارت شائعة إغلاق مطعم"البرنس" بإمبابة سخرية العديد من نشطاء موقع التواصل الاجتماعي "فيسبوك".
وكانت أخبار تم تداولها عبر بعض المواقع الإلكترونية حول إغلاق المطعم الشهير وحبس صاحبه لوجود كميات من اللحوم الفاسدة، الأمر الذي نفته بوابة أخبار اليوم بالصور و الفيديو حيث التقت أمس مع ناصر البرنس بمطعمه وكان يعمل بكامل طاقته.
وقام عدد من مستخدمي "فيسبوك" بإطلاق هاشتاج يحمل اسم " كلنا البرنس ".
وقال هشام زكي ، طب لما البرنس يتقفل ، اومال سيد كبدة المفروض يتعمل فيه ايه !!! ،فيما كتب محمد صالح ، البرنس خط أحمر وأمن قومي.
وتساءل أحمد خالد، نفسي اعرف مين المسئول أو المهم اللي عنده مطعم و البرنس قافل عليه أو واكل السوق منه أو عايز ياخد إتاوة من صاحب المحل و كل يوم يلفقله حوار ؟!
ونشر يحيى جمال صورة لمطعم البرنس ووضع عليها تعليق "إظهارا لدعمنا لأحد رموز الوطن حملة كلنا البرنس لمجرد إظهار جزء من الإمتنان لواحد دهون فخادنا من خيره، وعلقت داليا فهمي "البرنس البرنس ده انا يحصلي حاجة لو المحل اتقفل.
ونشرت زينب على فيديو يظهر أن المطعم لم يغلق ولم يتم تشميعه ووضعت عليه تعليق سنظل أوفياء.
وكتب مصطفى حمدي "حتى لو البرنس بيبيع لحمة كلاب .. هناكلها ونستمتع احنا مش أقل من الإخوان اللي لغاية دلوقتي بيساندو مرسي"، وعلق عاصم راشد "الخبر كان صعب عليا وعلى كرشى".
فيما نشر محمد يحيي صورة لصاحب المحل "ناصر البرنس" ووضع لها تعليق" و يطلعوا إشاعات ويقولك البرنس اتحبس خمس سنين.. انا عمر بطني ما كدبت عليا ابدا"
ونشر الكاتب الصحفي عمر طاهر عبر صفحته على "فيسبوك" ، خلينا نتكلم كفنيين
أولا : المقال بتاع شهوة البرنس بيحكى عن علاقتى بالمطعم مافيهوش سطر واحد بيقولك روح كل هناك .
ثانيا : واحد ضبطوا عنده لحوم فاسدة من سنة فاكرين يشمعوا المحل النهاردة ؟ أكيد فيه حاجة غلط.
ثالثا : اللى أكل مرة عند البرنس و راح بسببه مستشفى أو جاله تلبك معوى أو اى مرض من النوع ده يحكى لنا تجربته .. ودى حاجة ماسمعناش عنها ..يبقى يا إما موضوع اللحمة الفاسدة ده مش حقيقى يا إما إحنا مش بيحوق فينا حاجة و تظل متعة الأكل هناك قائمة.
رابعا : الكلام ده اتقال من سنتين و شمعوه و بتاع و طلع أونطة .
خامسا : أتمنى من كل قلبى ان الكلام ده يطلع مش حقيقى مش خوفا على البرنس لأ خوفا على سمعتى ككاتب ساب بصمة فى قولون الجيل الجديد ربنا يسامحنا بقى .
سادسا : أعلى إفيه سمعته النهاردة واحد كان مشير هنا كوميكس بيقول قال لما كبدة البرنس اللى ب180 جنيه للكيلو فاسدة أومال رغيف العربية ابو جنيه و نص يبقى ايه ؟
سابعا : كلنا فى مركب واحدة يا جماعة خليها على الله.