عنف الإخوان رد فعل طبيعي أم بلطجة معلنة؟

تم فض اعتصامات رابعة والنهضة التي استمرت مدة شهر وعشرة أيام، و ذلك بعد تحذيرات، ومفاوضات لمحاولة الوصول لحل سلمي، إلا أن إصرار الإخوان علي عودة مرسي أدى إلى هذا الفض.
لم يستسلم الإخوان و يساعدون في الفض السلمي بل استمروا في أعمال الشغب و العنف، حتى قاموا بحرق العديد من سيارات الشرطة، و إشعال الحرائق في أماكن متفرقة، أقسام، مؤسسات، كنائس وغيرها.
وتمكنت بوابة أخبار اليوم من عمل جولة لمعرفة بعض الآراء حول ما يقوم به الإخوان من عنف، هل هو رد فعل طبيعي لفض اعتصامهم، أم أنه بلطجة معلنة؟، وكانت الآراء كالتالي :
قالت "مي" دي بلطجة مفضوحة، إيه اللي بيعملوه دا بعد فض الاعتصام إيه كل الأسلحة دي إيه حرق الكنائس دا إيه اقتحام أقسام و مؤسسات حكومية كفاية بقى أرف المصريين اتخنقوا و الجيش بجد صبر كتير أوي و هما مافيش فايدة عايزين مرسي يرجع غصب عن كل المصريين كفاية.
و علق "أبو كرمة" لو أنا كنت قاعد مع صحابي في الشارع و جم شوية بلطجية يضربونا بسكاكين و مطاوي, أقل واجب يتعمل معاهم أنهم يتدبحوا و تتعلق رؤوسهم على أول الشارع عشان يبقوا عبرة للي بعدهم, الاعتداء على الكنايس لأنها معقل البلطجية و الاسلحة، و النهاردة هينزل فيديوهات و صور كتير النهاردة تؤكد الكلام ده على الرغم من إني ضده, لكن دي مبررارتهم, و بعدين لو حسبناها بالحق, محدش زعل لما المساجد اتحاصرت و اتضرب فيها مولوتوف و الناس اللي جوه ماتت صح؟؟.
و شاركت "سارة" هما الإخوان كدة يا إما يتنفذلهم مطالبهم يا إما يخربوا البلد، و ده طبعا بلطجة واضحة.
و أجابت "خلود" دي بلطجة و إرهاب، وترويع مواطنين.
وترى "أسماء" أن ما يفعله الإخوان بلطجة، قائلة : والله العظيم دول اثبتوا عليهم كل اللي حصل من فتح سجون وبلطجة وحرق محاكم في 25 يناير.