علاقة الفتاة بأمها.. صداقة أم تنافس ؟!

ترتبط الأم بأبنائها منذ ولادتهم إلي مالا نهاية، و لكن علاقة الأم بابنتها تأخذ شكلا أعمق فهي أحيانا صداقة و أحيانا تنافس..
تحتاج الأم إلى صديقة بنفس الشكل الذي تحتاج فيه الفتاة إلى صديقة هي الأخرى، و لكن كثيرا ما يحدث خلل يؤدي إلى انهيار العلاقة بينهما لتصبح علاقة تنافس أكثر من الصداقة.
و يحدث هذا ربما بسبب مشاعر الأمومة التي تسيطر على طريقة الأم وانفعالاتها ويدفعها لأن تتسرع في اتخاذ قراراتها مع ابنتها، والذي ينتج عنه غالبا بعد الابنة عن أمها ظنا منها أنها لن تتفهمها و أنها لن تكون الصديقة التي تستمع إليها مستوعبة لمشاعرها لتهرب من حضن أمها باحثة عن صديقة أخرى قد تكون حسن اختيار أو سوء اختيار.
و يحير الابنة عندما تعرف أن أمها قد أحبت و تزوجت عن حب في حين أنها ترفض هذا لابنتها، أو أنها مثلا تريد لها كلية معينة رغم أنها في سنها قد عارضت الجميع لدخول الكلية التي تريدها هي، كما لا تتقبل من ابنتها انتقادها في أمور كثيرة و تعاملها أحيانا بصيغة الأمر الصيغة التي لا يتقبلها مجتمع الفتيات.
و قامت بوابة أخبار اليوم برصد بعض الآراء الخاصة بالموضوع، علاقة الفتاة بأمها صداقة أم تنافس؟!، وكانت الردود كالتالي :
قالت "مي" صداقة طبعا و علاقة بجد جميلة جدا و استثنائية جدا عشان هي الشخص الوحيد اللي هتبقى عيزاكي أحسن و احلى منها.
و علقت "منال" ساعات وساعات، يعني في مواضيع بكلمها فيها بكل صراحة لأني ببقى عارفة هي هتفهمها كويس، وفي مواضيع تانية ببقى واثقة إنها من كتر خوفها عليا هتبهدل الدنيا عشام مثلا تاخدلي حقي فأنا بصبر لحد مالأمور تتظبط و أعرف أنا الموضوع ماشي ازاي وبعدين أقولها إن حصل إيه و أنا اتصرفت إزاي.
"تنافس تنافس تنافس" هذا ما قالته "ندى"، مضيفة : أنا أمي أصلا غير كل الأمهات و ساعات مش بفهمها بس بتخترعلي مشاكل من تحت الأرض و تتخانق معايا على أي حاجة، دي حتى لما بنزل أجيب لبس في جهازي يا إما بتاخده أو تجيب زيه عشان تبقى أحلى مني، و مش بتفهمني خالص بتشوف كل حاجة من وجهة نظرها هي بس، و المتعب أكتر إن ده مبيظهرش للناس و لا لإخواتي يعني معايا لوحدي.
و شاركت "نهلة" قائلة : علاقة الأم ببنتها أكيد صداقة طبعاً، وخصوصا إن قلبها بيبقى على بنتها أكتر من أي حد في الدنيا وللعلم الأم ليها حاسة سادسة في أي موضوع يتعلق ببنتها ورأيها بيبقى صحيح جداً وده عن تجربة الأم دى روح البيت ومش تنافس أبداً مافيش أم مبتحبش أولادها.
" وقت الغلط تبدأ التحذير" قالت هذا "هند" مؤكدة على أن ما بين الأم و ابنتها علاقة صداقة، قائلة : يعني أكيد الأم هتدلها على الصح في أي قرار من اللى الام اتعلمته في زماناها، لأنها أكيد اتعرضت لمواقف كتير في وهي في سن بنتها و استفادت وعرفت ايه اللي كان مفروض يتعمل.
و أجابت "نور" الأم الذكية هي اللي تخلي اللي يربطها ببنتها صداقة، لأنها لو عملت غير كدة هي اللي هتشيل اللي يحصل في الآخر، مينفعش تقول لبنتها كدة غلط بس ممكن تقولها نفس الكلام بشكل تاني يخلي البنت نفسها تشوف إن ده غلط، لازم تحس بيها كأنها هي اللي في الموقف عشان تحس أوي ببنتها و تعرف ممكن تستقطبها ليها إزاي وخصوصا إن محدش هيخاف على بنت أكتر من أمها.