هل رجولتك تسمح بربط حذاء حبيبتك؟!

_ هو : انتي يا بنتي بتعملي إيه!
_ هي : بوطي عشان أربط الجزمة بس
_ هو : و بالنسبة لإننا في الشارع؟
_ هي : منا لو مربطوش هقع.
_ هو : قومي اتعدلي كدة..."ثم يربط هو حذاءها
_ هي : ربنا ميحرمنيش منك بس..
_ هو : إيه اللي بس الناس تتفرج عليكي وانتي موطية يعني؟!
يحدث هذا المشهد كثيرا ولكن كل منا يراه بمنظوره الخاص، فالبعض يري أن كرامة الرجل لا تسمح بالانحناء أمام مرأة أحبها حتى ولو لربط حذائها، و البعض الآخر يرى أن رجولته لا تسمح بانحناء حبيبته أمام الناس.
قالت "سارة" خطيبي بيعمل معايا كدة، أغلب لبسي كوتشيهات أو جزم برباط ومش بيرضى خالص إني أوطي في الشارع حتى لو على جنب عشان أربطها، وهو بصراحة بيوطي بنفسه ويعملهالي.
و تعجبت "منى" قائلة هو في كدة يا ناس؟! فين الرجالة دي أنا عاوزة من النوع ده بس هو اللي زي ده يتلاقى فين؟!.
و قال "أحمد" و إيه المشكلة لما أربط جزمة حبيبتي، منا بربط جزمة بنتي يبقى هتكسف أربط جزمة أم بنتي؟!.
و علق "إياد" أنا محبش أحرج نفسي ولا بحب نظرات الناس، ممكن هي تقف على جنب وتعمل الجزمة بتاعتها مش عيب يعني، وممكن لو في كرسي أوحاجة تقعد عليها .