حفلة منير "السخنة" تزداد لهيبا علي "تويتر" و "فيسبوك"

أثارت حفلة النجم محمد منير بالعين السخنة الكثير من التعليقات على مواقع التواصل الاجتماعي "فيسبوك" و"تويتر"، وأصبحت كلمة "السخنة" من أكثر الكلمات تداولا على "تويتر".
وكتب نشطاء تويتر عن الحدث المرتقب، كما قام بالتغريد جمهور الحفلة، الذين وصلوا العين السخنة، واكتفى آخرون بكتابة التعليقات الساخرة.
وقال أحمد: "الإقبال على السخنة تاريخي يا فندم"، وأضاف مروان "أنا مش رايح السخنة ولا الحفلة عشانك يا سارة ".
وأضاف رشدي: "الشعب انقسم نصين نص راح السخنة في حفلة منير و النص التاني بيحقد عليهم و انا قاعد عادي".
وقال عصفور:" يا اللى رايح السخنة .. خليك عندك أبوس ايدك البلد بقت براح ".
وأضاف بيجو مدحت: "ومين قال إن اللي مسفرش السخنة مش هيتبسط ؟ ده كفاية حفلات الإذاعة والتلفزيون بمناسبة عيد الربيع دي ! حاجة زي الفل".
وقالت هالة: "حفلة منير قسمت الناس، نصهم بيحضرها في السخنة والنص التاني بيدعي عليهم".
وأضاف زياد: "الإقبال على السقوط السنة دي تاريخي يا فندم، و الطلبة في السخنة و الجونة والساحل كمان يا فندم".
أما صفحة "ألتراس منير" على الفيسبوك فكتبت عن الحفلة قائلة: "لك أن تتخيل أن في حفله منير هتلاقي كل أطياف الشعب، أطفال - ولاد - شباب - رجالة كبار - بنات – ستات، مسلم - مسيحي - أجنبي - ابيض – أسمر، وهتلاقيهم كمان من كل حتة في مصر بورسعيد - سويس - إسماعيلية - قاهرة - إسكندرية – العريش، الوادي الجديد - المنصورة - كفر الشيخ - الغردقة - الأقصر – أسوان- المنيا - سوهاج - أسيوط - مرسى مطروح، منير بقى ظاهره احتلت كل شبر في مصر وحفله منير أصبحت حدث، الكبير كبير يا محمد يا منير.
جدير بالذكر أن حفلة الفنان محمد منير ستقام مساء الأحد 5 مايو، في قرية "ريت كاربت" بالعين السخنة بمناسبة الاحتفالات بأعياد الربيع.