غداً

»وايه يعني«؟

وايه يعني لما يموت 05 طفلا بسبب اهمال عامل مزلقان؟
وايه يعني اب يجري بابنه علي مستشفي فلا يجد به اي امكانيات لإنقاذ حياة فلذة كبده؟
وايه يعني لما الواد يموت والحكومة تمنح ابوه وامه الثمن 4 الاف جنيه؟
وايه يعني لما رئيس الوزراء يجري يبوس اطفال غزة المصابين و (يقرف) يبوس العيال المصابين بتوع الصعيد؟
وايه يعني لما شاب في مقتبل العمر كان فرحان بفوز مرسي بالرئاسة ياخد له كام رصاصة في دماغه علي ايد رجالة الشرطة في عهد مرسي؟
وايه يعني لما ضباط الداخلية ياخدوا اكبر رواتب في مصر وهم يرفضون العمل؟
وايه يعني لما (قناص العيون) ياخد براءة في الذكري السنوية الاولي لجريمته؟
وايه يعني لما مصر ما يحصلش فيها اي تغيير؟
وايه يعني لما يكون الشباب في مصر لسه عاطل؟
وايه يعني لما الناس تبقي بتموت من الجوع والاثرياء يزدادون ثراء؟
وايه يعني لما يطلع علينا (اخ) يقولك اللي مش عاجبه الحال يمشي ويسيب البلد؟
وايه يعني لما الشعب يحس ان مافيش فايدة ولا فيه امل في البلد دي؟
كفاية انك في مصر يا جدع..... ام الدنيا!!
تابعت علي مدار الاسبوع الماضي مواقع التواصل الاجتماعي.. وراقبت حجم الغضب في الصدور والحزن في القلوب مما يجري من احداث.. ووجدت ان:
الاغلبية كفرت بالثورة.. وأولهم الثوار انفسهم.
الامل في تغيير الاوضاع للافضل تبدد تماما.
الناس تسير بخطي متسارعة نحو الانفجار.
كثيرون يتمنون عودة نظام مبارك بكل ما فيه من ظلم وقهر.
شعبية الرئيس مرسي في تراجع بسبب ضعف حكومة هشام قنديل.
الكل يفضل ثورة جديدة.. ثورة حقيقية علي الفقر والمرض والجهل والظلم والاضطهاد والمحسوبية والفساد والقصاص لضحايا ثورة 52 يناير.
وعلي اولي الامر التحرك الان وبسرعة قبل ان يخرج علي الناس كل من لا يجد قوت بيته شاهرا سيفه.. وهم الاغلبية في هذا البلد.