المشير السيسي.. في جنوب افريقيا

د.الشوادفى منصور شريف
مطار القاهرة الساعة العاشرة والنصف مساء ؛ السبت الموافق 3 مايو 2014 في انتظار الصعود لطائرة مصر للطيران المتجهة الي جوهانسبرج بجنوب افريقيا؛.....فوجئت بمن يربت علي كتفي ويقول .......فيه حد يكتب مقال عنوانه " انا اكره المشير السيسي بصحيفة الاخبار " ايه رأيك فيه يا دكتور محفوظ: ممتاز طبعا ......بس العنوان صعب ؛ انا اتخضيت لما قرأت العنوان....اجلس الطيارة متأخرة ساعة عن الاقلاع ربنا يستر.........انه استاذ النيماتودا بالمركز القومي للبحوث....بس تعرف يا دكتور شوادفي الجدع جاري في العمارة دكتور عصام العريان ده طلع خطير والجماعة دول يا اخي طلعوا ميه من تحت تبن.........انا قلت لك الكلام ده يا محفوظ في موسكو ايام الثورة 30/6 و1 و2 و3 /7 /2013 ولما الشعب والجيش خلعوا مرسي وعصابته كنت زعلان انت والدكتور عزت وتقول نديهم فرصة ؛ وعزت يقول مش ها يحصل مرسي راجع راجع ؛ الاخوان مش شوية في البلد ويقدروا يعملوا حاجات كتير نسيت ولا ايه يا شيخ محفوظ......والله يا اخويا انا ما كنت فاهم حاجة ايامها وانت عارف اني ماليش في السياسة ؛...وانا قلت لك انني حذرت عصام العريان كام مرة..وقولت له انتوا كده بتخسروا الناس....حصل ولا محصلش.......فعلا انت قولت كده......انت مبسوط يا محفوظ من اللي بيعملوه في الجامعات وفي الشارع المصري من عنف وبلطجة تصل الي حد القتل ......لا طبعا دول طلعوا بعيد عنك حاجة صعبة........فين يا اخي الاسلام اللي قاعدين يطنطنوا بيه من 80 سنة........ده اسلام ده ؛ لك حق يا محفوظ.....عموما ابقي قول الكلام ده علي المنبر في خطبة الجمعة لما نرجع بالسلامة من جنوب افريقيا......مش انت خطيب المسجد دلوقت اللي كان بيخطب فيه عصام العريان .......كان زمان... مين اللي خلعك من المسجد ؛ خلاص بقي مفيش داعي ......خلينا في السيسي الله يرضي عليك......ماله المشير السيسي...........ها ينجح في الانتخابات اللي جاية دي يا بروف......انت شايف ايه يا عم محفوظ.......اصل حمدين صباحي عمال يقول الجيش هو اللي هايحكم وكلام بيهيج بيه الشباب ....وانه ها ترجع ريمة لعادتها القديمة......اهو كلام يا اخويا.... بس والله انا ها ادي صوتي للسيسي.......انت خايف مني ولا ايه يا محفوظ....لا والله يا اخي انا باحبك وبا حب الجيش؛ دا انا اخويا الكبير كان ضابط كبير بالقوات المسلحة وانا خدمت في الجيش والحمد لله....واخويا الكبير ده يا اخي عمل عملية قلب مفتوح في مستشفي المعادي......وما قالشي لوالدتي انه في المستشفي ؛ وانت عارف ان والدتي سيدة كبيرة في السن وما تقدرش تتحرك.....شوف حنيين ازاي علي والدته ؛ بس كده مش يبقي قلبه جامد والا ايه رأيك يا بروف.... بصراحة اخوك ده راجل محترم وخايف علي والدته ومش عايز يزعجها ؛ تعرف انه كان بيكلمها كل يوم وتقوله يا ابني انت فين قلبها حاسس ان فيه حاجة ..... يا محفوظ: دي سمة رجال القوات المسلحة يؤثرون علي انفسهم ولو كان بهم خصاصة......علشان كده احنا ثقتنا فيهم بلا حدود.....والمشير السيسي يحمل هذا القلب الكبير اللي يسع ابناء مصر كلهم نساء ورجالا؛ شيبة وشبابا وربنا يوفقه للنهوض بهذا البلد العظيم.
بالمناسبة هي الطيارة متأخرة ليه..........علمي علمك ياعم محفوظ...طيب ها نلحق الطيارة اللي رايحة لكيب تاون من جوهانسبرج........لما نوصل جوهانسبرج باذن الله يفرجها ربك...لا كده مش ها نلحق ؛ والست اللي هاتنتظرني في المطار في كيب تاون ها تزعل........ايه يا عم محفوظ هو انت ها تتجوزها ما تزعل...طب تصدق ولا ما تصدقش انها ارسلتلي علي الايميل الصور بتاعتها وصورة جواز سفرها كمان .......ياسلام ده واضح انها ميتة في دباديبك.....اصل انت مش عارف الموضوع: انا كنت عملت معاها مشروع بحثي مشترك.....وبعدين طلع واحد من المحكمين في مصر هنا من الحاقدين اياهم كتب فيه تقرير زي الزفت.........طب وبعدين ايه اللي حصل ؛ المحكم الجنوب افريقي كتب تقرير زي الفل..........لكن للاسف فشل المشروع........يعني انتوا عارفين بعض من زمان.......قول من سنتين كده...والست انا قولتلها انا ما عنديش فلوس للكونجرس 2014 ......الحقيقة طلعت محترمة ما كدبتش خبر ؛ لاقيتها تاني يوم......باعتة تذكرة السفر وقالتلي هانتحمل مصاريف المؤتمر والاقامة........طيب يا سيدي مبروك ؛ وإن شاء الله واخدلها هدية كويسة ولا لا....ولا اوراق البردي اياها اللي وزعتها علي سكان موسكو في يوليو الماضي..........ما انا سألت الدكتورة زوجتي: اخد لها ايه قالتلي كفاية اوراق البردي.........ياراجل حد يسأل زوجته في الحاجات دي يا محفوظ....الحقيقة والله موصياني عليك وقالتلي خلي بالك من الدكتور الشوادفي يا محفوظ ؛ قلتها طبعا ده اخويا الكبير والريس بتاعنا.......والله كتر خيرها انها متحملاك.
بدأ النداء للصعود للطائرة بعد ساعة تأخير........واختتم د محفوظ حواره الشيق بنكمل موضوع الانتخابات في الطيارة.........مش خلاص هاتنتخب المشير السيسي هانتكلم في ايه تاني...........نتكلم في اللي ها يعمله السيسي لما ينجح....سؤال قبل ما نركب الطيارة قبل ما انسي اصل انا يبدو اني عندي زهايمر.......خير يا عم محفوظ.......الا ممكن السيسي يفرج عن الاخوان المسلمين المعتقلين لما يبقي رئيس......تاني الاخوان يا محفوظ.....اركب الطيارة اركب .........ها تجاوب علي السؤال امتي .....لما نوصل إنشاء الله.. وطبعا وصلنا متأخرين ولم نلحق بالطائرة الاخري لكيب تاون..........اربع ساعات انتظار للطائرة التالية........حصل فيها المشير السيسي علي درجة امتياز من الدكتور محفوظ بعد ما طلع عيني من الاسئلة وكأني في امتحان للدكتوراه في المشير السيسي وقواتنا المسلحة .
ورسالتي لأبناء مصر الاعزاء وخاصة الشباب ان يعلموا ان كل من التقينا بهم في المؤتمر من كافة الجنسيات العربية والاجنبية امريكية اواوربية واسيوية اوافريقيةاو من امريكا اللاتينية واستراليا يكنون عظيم الاحترام للشعب المصري وقواته المسلحة التي حافظت علي وحدة اراضيه وشعبه........وللحديث عما جري بالكونجرس السادس للنيماتودا بمدينة كيب تاون............ بقية بإذن الله.