قدم الأمير عثمان المسئول الإعلامي للسفارة البريطانية في مصر توضيحا عقب نشرة صورته مع رمضان صبحي لاعب الأهلي المصري والمنتقل إلي ستوك سيتي الانجليزي الذي يرتدي فيه قميص الزمالك المنافس التقليدي للقلعة الحمراء للتأكيد علي عدم وجود تعصب. وشدد المسئول الإعلامي للسفارة البريطانية علي سعادة الجميع بتواجد رمضان صبحي ، بالإضافة إلي احترافه في انجلترا واللعب لنادي ستوك سيتي خلال فترة الانتقالات الصيفية الحالية. وجاء توضيح المسئول الإعلامي علي صفحته الخاصة بموقع التواصل الاجتماعي "فيس بوك" في خمس نقاط: أولا أنا سعيد جدا إن رمضان ربنا وفقه و احترف لأنه لاعب موهوب و هيفيد المنتخب الوطني و هو إنسان مهذب ثانيا أنا زمالكاوي من عائلة زمالكاوية و فخور بتشجيع نادي الزمالك و اتصورت مع رمضان بتيشيرت الزمالك لإثبات إن الزمالكاوية مش بيتقمصوا ولا حاجة و لكن احنا بنحب الكورة الحلوة لأن دي جينات الزمالك و الزمالكاوية و اسألوا الإمبراطور حازم إمام و الحاوي أيمن حفني و الكابتن حمادة عبد اللطيف و محمد صبري و غيرهم نجوم كبار. ثالثا أنا دوري كمسؤول إعلامي في السفارة البريطانية هو تعزيز الروابط بين الشعبين البريطاني و المصري. و احنا في السفارة عندنا زمالكاوية كتير و أهلاوية كمان و السفير بيشجع نادي الاتحاد السكندري. رابعا احنا كنّا مبسوطين بوجود رمضان معانا النهاردة و معظم اللي في الصور معاه زمالكاوية و قالوا لرمضان كدة و هما بيتصوروا معاه و الراجل ابتسم و تقبل الموضوع و كان صدره رحب خامسا ربنا يوفق كل اللعيبة اللي بيلعبوا كورة حلوة و يجعلنا دايما سبب في خدمة و قضاء حوائج الناس