في مداخلاته خلال جلسة تعزيز ريادة الأعمال

السيسي يشدد علي ضرورة إقامة شبكة طرق لربط القارة

أكد الرئيس عبد الفتاح السيسي أن شباب القارة الإفريقية هم أمل المستقبل ويجب عليهم مواجهة التحديات كافة. جاء ذلك في رسالة وجهها الرئيس السيسي للشباب, حيث قال أنا بس عايز أوجه رسالة إلي شبابنا وشباب القارة... القارة الإفريقية زي ما قال الرئيس بول كاجامي معندهاش مشكلة في الموارد الطبيعية ولا حتي في الموارد البشرية اللازمة للتنمية والتطور خالص...
معندهاش أي مشكلة في ده لكن أنا اتصور وأنا كنت بقول الكلام ده بقالي سنتين وبكرره بقول لو في شبكة طرق وشبكة سكة حديد تربط بين القارة أو دول القارة بعضها البعض..القارة الإفريقية..بقول الكلام ده للشباب علشان يبقي حلمهم ده مش علي قد حلمهم أن هم فقط ينجحوا كشباب لريادة الاعمال اذا كنتم عايزين حقيقة بلدنا تتغير.. بلدنا كلنا تتغير لابد أن احنا نتصل.. ونصل بعضنا البعض بشبكة طرق وشبكة سكك حديد حقيقية.
وأضاف: ده لو حصل أن بحاول اخلي الكلام.. اللي بقوله يبقي مفيد لينا كلنا لو حصل.. بقولكم تتغير القارة بما لديها دلوقتي من إمكانات بما لديها من موارد حتي بدون استثمارات ضخمة لو تعملت الشبكة دية وبقين نقدر نتصل ببعضنا البعض انا اقدر أركب قطار وأروح رواندا أو موزمبيق أو السنغال سواء كان بالطريق البري أو بالسكك الحديد.
وتابع الرئيس: أنا بقول لكم الدنيا تتغير في خلال10 سنوات والقارة الإفريقية هتبقي لها شكل تاني مختلف مش بس كشباب... هفضل اكرر ده كل ما التقي بأصدقائي الرؤساء الافارقة وكل ما التقي بمجتمع إفريقي يقدر يسمع مني لو كنتم عايزين تغيروا وجه القارة مش وجهكم انتو بس كشباب يقدر يعمل مشروع وينجح فيه لا الدول بتعتنا تتغير لحاجة عظيمة جدا جدا جدا من غير إجراءات كتيرة ضخمة.. الشبكة ديه شبكة الطرق وشبكة السكك الحديد واحنا نتجاوز أي شكل من أشكال الخلافات بنا ونتجاوز اي حاجة تانية ويبق عملنا بس ان احنا نتعاون فيما بينا ونضع أيدينا في إيد بعض... ونفكر بعيد عن أي خلاف لو اقدرنا نعمل ده علي الأقل في الدول اللي فيها استقرار نسبي يمكن نبتدي بها ثم بعد كده يتم التوصل.
مصر أتاحت الفرصة للشباب ورجال الأعمال والمستثمرين
قال الرئيس عبدالفتاح السيسي: أثناء زيارتنا لرواندا رأينا تجربتهم, وشفنا نتائج الجهد الذي يبذل هناك.. لأننا رأينا العاصمة كانت منظمة ومرتبة جدا جدا..ولا يوجد في مجتمعنا غير الثقة وأن نسجل استراتيجية كإطار عام في التعاون وعلاقتنا مع شبابنا, حتي تكون هناك ثقة متبادلة بين الحكومة الشباب تجاه شبابها.
وأضاف لو انعدمت الثقة والاحساس أن الشباب هو الأمل والطموح وبالتالي لهم الحق علينا إننا نعطيهم الفرصة.. والفرصة