بالفيديو.. أشاد بالسيسى.. فى أغنية جديدة: شعبان عبد الرحيم يهاجم باسم والبرادعى وقطر والإخوان وحكومة الببلاوى

تصدرت أغنية شعبان عبد الرحيم الجديدة "بقينا على الحديدة" قائمة أكثر الفيديوهات مشاهدة على مواقع التواصل الاجتماعى، حيث حظيت فيديوهات الأغنية بمشاركة أعداد كبيرة من مستخدمى تلك المواقع.
ينتقد شعبولا فى أغنيته الجديدة، التى كتب كلماتها إسلام خليل، أداء حكومة الدكتور حازم الببلاوي، معتبرا أنها حكومة مرتعشة، بينما أشاد بالفريق أول عبدالفتاح السيسي.
تبدأ أغنية شعبان الجديدة بمقطع يتحدث عن الحالة الاقتصادية فيقول: "بقينا ع الحديدة والناس تعبانة موت.. عايزين حكومة شديدة ما تخفش وليها صوت.. الشعب عاوز حكومة تحميه وتقوته.. مش ناس بسلاح وشومة سايبنها تموته.. فيه ناس قاعدين يخونوا الشعب ويقسوا عليه.. عشان حكومتنا نونو مش عارفة بتعمل إيه".
وهاجم شعبان الدكتور محمد البرادعى قائلا: "ياما قلنا ع البرادعي غدّار مالوش أمان.. وبيلعب لعبة جامدة لحبايبه الأمريكان.
وفى مدح السيسى تقول الأغنية: "دي مشاعري ودي أحاسيسي والكل بعينه خاف.. لو كله زي السيسي إحنا ماكوناش نخاف.. دايمًا تفكيره مبتكر والناس كلها عاشقاه.. صحيح ده راجل دكر والشعب كله وراه".
ويواصل شعبان فى أغنيته الهجوم على أداء الحكومة، ويعلن رفض المصالحة مع الإخوان، فيقول: "ناس مالهاش ملامح أشباح في كل عصر.. قال إيه عايزنا نسامح اللي قالوا طظ في مصر".
ولم ينس شعبان عبد الرحيم انتقاد الإعلامى باسم يوسف مقدم برنامج "البرنامج"، فيقول فى أغنيته: "مالكمش رأي حاسم وناس فيها العجب.. ما كفاية علينا باسم وقلة الأدب".
ووجه شعبان رسالة للرئيس الأمريكى باراك أوباما، قائلا: "يا أوباما اللعبة اتفقست والمستخبي بان.. فهم قطر حبيبتك وعقل أردوغان.. بمعونتك هتلاعبنا لأ طظ فيك يا عم.. خليها معاك وسيبنا وخلي عندك دم لو كان فيه عندك دم".
واختتم أغنيته باللازمة المعتادة: "بس خلاص".