قال المطرب عمر كمال ، إن والده كان ملتزما دينيا وتوفى قبل أن يدخل هو مجال الغناء وفي حال حياته لم يكن ليسمح له بالعمل في المجال الفني. وأضاف عمر كمال ، في حوار ببرنامج "شيخ الحارة والجريئة" مع المخرجة إيناس الدغيدي على قناة القاهرة والناس، «أبويا مات قبل ما أغني ومشفش نجاحي وكان ملتزما دينيا ولم يكن يعرف أن صوتي كويس وكنت لا أجرأ أقوله عايز أغني، وأهالينا واخدين انطباع عن الوسط أنه كله مش كويس ولكن كل جزء فيه الحلو والوحش». وأكد أن «حياته الشخصية نظيفة ولا يتناول أي مشروبات أو ممنوعات، قائلا: "حياتي نضيفة لا بشرب سيجارة ولا غيره، وبحافظ على فرض ربنا، وأنا لو اشتغلت في كباريه أو ديسكو، زي ما بخش زي ما بطلع لا ببص يمين ولا شمال وبخلص شغل وامشي». وتابع: «حتى لو دخلت كبارية مش بيغير في حاجة ولم أتلوث، وماشي بمبدأ ربي رب قلوب، وكل واحد حر وعمري ما غنيت للحشيش وعمري ما غنيت لفظ خارج في المقاطع بتاعتي في الأغاني المشتركة». عمر كمال : «والدي كان ملتزم دينيا.. وأنا بحافظ على فرض ربنا»