حملة شعبية لجمع تبرعات لمبارك

بعد قرار حبسه وكلمته التي زعم فيها عدم وجود أموال لديه اطلق عدد من الشباب حملة شعبية ساخرة علي الفيسبوك لجمع تبرعات للرئيس السابق حسني مبارك وعائلته‏.‏ وقال اصحابها:الحملة دي هدفنا نجمع اكبر تبرعات لمبارك وكسوة الصيف والشتا وشنط رمضان, لكن قارئة اعترضت قائلة. كفايه بقي شماته علي فكره انا مش معاه مع محاكمته بس من غير حبسه ده راجل تعبان وربنا قال العفو عند المقدره وكمان ياريت نفتكر مقوله ارحموا عزيز قوم ذل حسابه الكبير عند ربنا هو يرجعلنا فلوسه بس منبهدلوش وهو علي فراش المرض وممكن يكون فراش موت اللهم لا شماتة.
وتوالت التعليقات ومنها:طيب ميتبرع هو لعلاج الملايين الي ف البلد اهو يمكن الناس تسامحه وتتنازل عن حقها يوم القيامه
يا جماعة يجيب فلوسه من بنوك بره وخليها تنفعه في وضعه وسنه ده.
اللهم لا شماتة طبعا لكنه لم يرحم الناس اللي كان بيسرق فلوسها والظلم الي شفناه منو.
ولا مليم يا مخلوع دا انت سرطنت نص البلد والنص التاني فشل كلوي علي كبدي والباقي بيشاور عقله.
هات الفلوس اللي بره الاول واحنا نبقي نشوف اجراءات العلاج علي نفقة الدولة ممكن نعملهالك ازاي, وجوه مصر, مافيش سفر بره و هاتتعالج في قصر العيني أو أي مستشفي حكومي يعجبك غير كده مافيش..