للعاطلين فقط

احنا شباب شاركنا في الثورة وكانت مطالبنا اساسية‏,‏ تغيير‏,‏ حرية‏,‏ عدالةإجتماعيه والقضاء علي البطالة‏,‏ وإتكلمنا كتيرعن مشكلة البطالة‏ لكن في الاخر طلعنا بنتكلم في وادي والجميع بيتكلم في وادي تاني خالص, احنا نقول البطالة وبتوع الاحزاب والاغراض السياسية ينادوا بتعديل الدستور و و و الخ. جميل جدا كل المطالب دي ومشروعه لكن احنا فين ؟؟؟ اتنسينا والا ايه؟ ولذلك قررنا إنشاء جروب للعاطلين يتم فيه تجميع كل أرائنا وإقتراحاتنا بخصوص مشكلة البطالة داعين الله أن يصل صوتنا لأي مسئول والسلام! هكذا لخص بعض الشباب العاطل عن العمل مشكلته الأساسية في صعوبة إيجاد فرصة عمل, حيث قال أحدهم: يا جماعة اكيد الدولة مش هتقدر توظف كل البلد, ولكن الدولة عندها بدل الحل100, وأولهم الصندوق الاجتماعي للتنميه, طبعا جهاز فاشل ومبيعملش أي حاجه غير إنه يعقد الناس في عيشتها لكن الجهاز ده لو اشتغل صح وساعد الشباب بقروض بسيطه يفتحوا مشاريع صغيره,هيحل المشكلة, بينما إقترح أخر:يا جماعة هل تعلمون أن اكتر من60% من أراضي مصر صحراء؟ يعني لو الدولة وزعت أراضي علي الشباب وساعدتهم في استصلاحها هنحل المشكله وهنعمر الصحراء, وهيبقي عندنا إنتاج كبير للسوق المحلية وكمان هيبقي عندنا فائض للتصدير للسوق الخارجية.ولكن أحد الأعضاء اعترض وقال: البلد لو وزعت خمس فدادين علي كل شاب علشان تساعده يبقي لازم تديله320 الف جنيه سيولة في ايده.
رأي أخر قال إنه لو الدولة أصبحت جادة في محاكمة الفاسدين واسترداد الفلوس التي تم نهبها من الممكن عمل ملايين المشروعات للشباب, في حين اقترح أحدهم: انا رأيي الدولة تدينا إعانة بطالة1200 جنيه لحين توفير فرصة عمل!