كيف تهرب من المذاكرة بدون معلم؟

عزيزي الطالب المظلوم‏..‏ طبعا نحن الآن في عز معمعة الامتحانات سواء ثانوية أو جامعة‏.‏ والوضع في البيت في قمة النكد لاتليفزيون‏,‏ لاكمبيوت‏,‏ر لاخروج لاحياة اصلا‏,‏ قال يعني لما تذاكر وتنجح ها تعمل اللي محدش عمله قبلك‏.‏ عايز تعرف كيف تهرب من المذاكرة في اصعب أوقات الامتحان بطريقة علمية معملية مدروسة لتضييع الوقت في شيء اخر غير المذاكرة دون ان يلاحظ احد انك بتهرب؟ اقولك يامان كل نصف ساعة ادخل الحمام وهكذا تضيع خمس دقائق مفيش مانع انك تلقي نظره علي التليفزيون وانت داخل ووانت خارج من وراء الستارة‏.‏
كل ساعتين اعمل كوب شاي عشان تصحصح ويضيع فيها ربع ساعة وبرضه بص علي التليفزيون‏.‏
كل اربع ساعات اعمل ساندويتش بحجة ان المذاكرة بتجوع اوي وضيع علي الاقل نصف ساعة‏.‏
كل سبع ساعات اتفرج علي فيلم او مسلسل بحجة ان مخك سينفجر من كثرة المعلومات ويضيع فيها ساعتين‏.‏
كل ست ساعات نام ساعة حتي تثبت المعلومات التي ذاكرتها في عقلك بالنوم
كل يوم صباحا وبعد الظهر وليلا استحم قال يعني النضافة مقطعة بعضها بحجه ان الدنيا حر جدا ويضيع فيها ساعتين ايضا‏.‏
كل وجبة استمتع بها ببطء وعلي اقل من مهلك لانك محتاج طاقة للمذاكرة خصوصا وان والوالده ستكون متوصية بك جدا ايام الامتحانات‏.‏
ماتشا كاس العالم التي لايحلو لهم لعبها سوي ايام الامتحانات لابد ان تكون ضابط الموبايل علي مواعيدها حتي تتابعها وتتابع التحليل ايضا ماهو اصلك مش هاتعرف تركز وهي شغاله ومش ذنبك انها بتتلعب وانت بتمتحن‏.‏
امسك الموبايل داخل الكتاب وادخل علي النت أو علي الفيس بوك دون ان يشعر بك احد وعيش مع نفسك مانت لازم تعرف اخبار الشلة اية‏.‏
واخيرا لو لو يكن كل هذا كافيا ووجدت الحصار شديد جدا عليك فليس امامك سوي ان تضع عينيك في الكتاب وتفكر في اي شيء اخر‏.‏