انتبهي يا شابة

من فضلك أنتبهي يا شابة‏..‏عشان متضربيش علي قفاكي‏,‏ وأرجو عدم التذمر وتقولي لايستطيع أحد أن يضربني علي قفايا‏,‏ أنا فتاة شرسه لا أحد يستطيع أن يخدعني‏,‏ وهنا أهمس في أذنك علي مرمر بردو؟‏!.‏ ولاشك أن الرجل له العديد من الخطط التكتيكية الجهنمية لكسب قلبك وإنزلاق رجلك في قفصه البلاستيك ومن أهم هذه المقالب هي ماسورة الحنان, وده طبعا لإنه يعلم جيدا ان الفتيات دائما ترفع شعار أريد حبا وحنانا
بووء بوووء بوووء..إده مالك؟
إني أغرق أغرق, ثواني بس أطلع..الحمدالله..كنت هغرق من ماسورة الحنان التي إنفجرت في وجهي..فجأة تشعرين إنك غرقتي من كتر الحنان وفيضان المشاعر, فمثلا تجدي رسالة حب ملتهبة في الصباح صباح الخيريا حياتي, يجعل أيامك سكر زي قلبك, وبصراحة هي مش هتكون سكر طوال الوقت, ايام كتير هتبقي مرة ياشابة ورسالة أخري أنا بحبك جدا خالص مالص يعني, وبعدها تليفون يصحيكي من أحلي نومه ويسألك السؤال الساذج: صحيتك؟
لا لسة نايمة بس استأذنت من الحلم أرد عليك وأرجع
بعد ذلك يتصل علي الظهر....إتغديتي؟
لا لسه
وهنا يبث درس الأحياء علي القناة التعليمية..إن الغدا مهم لجهازك العصبي والهضمي والنفسي.. وإلخ
فيحلفك بالله تتغدي, وإنه لا يمكن يأكل قبل ما إنت تأكلين حونين قوي ومشاعره روهيفه.
وقد تكونين الأكثر حظا إذا عاش دور الأب عليك, واشتر لكي شيكولاتة ومصاصة وبونبون, وطبعا لا تنكري إنك بتموتي في الحركات دي
أما جملته الاساسية في نهاية كل مكالمة..خدي بالك من نفسك, وقتها تبوسي يديكي وش وضهر لإنك كنتي هتنسي نفسك..أما المقلب التاني علي القفا هو....
إنتظرونا والرجال يمتنعون!