بالفيديو.. مرتضى منصور للاعبي الزمالك: لعب البنات مش عندي

وجه المستشار مرتضى منصور، رئيس نادي الزمالك، الشكر لأحمد حسام، المدير الفني السابق، وحازم إمام مدير الكرة السابق بالنادي، بعد إقالتهم، عقب فوز النادي الأهلي علي الزمالك في المبارة التي جمعت بينهما أمس، الثلاثاء، على استاد برج العرب.
وفي مقطع فيديو بثته صفحة منصور عبر فيس بوك قال:" يهمنا إن جماهير الزمالك تكون سعيدة، لما الجهاز دا بدا كان عندنا أمل إن ولاد النادي يعملوا حاجة" مضيفا:" مفيش مليم هيتصرف لأي لاعب حتي آخر الموسم، عشان يعرفوا إنهم بيلعبوا في نادي محترم".
وأضاف :" وفرنالهم كل اللي بيحلموا بيه، ومالهومش حجة، مش دي اللاعيبة اللي أعرفها، واللاعب اللي مش عايز يلعب برجولة، يمشي، إنما لعب البنات مش عندي، دا كان لعب بنات".
كما تابع متحدثا عن فييرا المدير الفني السابق لنادي الزمالك :" فييرا اتفق مع النادي القطري وإحنا في دبي، والموضوع مش قصة وصفه بالفاشل، وعرفنا وإحنا هناك، الإنسان مش هيكون زي حمار جنينة الحيوانات اللي بيضحك علي النكته بعدها بشهرين، هو دا فييرا".
#مرتضى_منصور لجماهير #الزمالك لا تقلقوا الدوري زملكاوي ..ومدرب عالمي فى الطريقPosted by Mortada Mansour on Tuesday, 9 February 2016