بالصور.. فتاة تقفز من «التوك توك» قبل لحظات من اغتصابها

قالت فتاة تدعى “سمية فؤاد”، إنها تعرضت لمحاولة خطف واغتصاب، من خلال “توك توك” كانت به وحدها، إلا أنها تمكنت في اللحظة الأخيرة من إنقاذ نفسها.
وأضافت الفتاة التى روت ما حدث معها عبر حسابها الشخصي تفاصيل الواقعة: “اللى حصلى النهاردة ده كان كابوس، أنا هحمد ربنا عليه لحد آخر نفس فيا، هفضل آحمد ربنا الحمد الله رب العالمين إنى رجعت البيت لأهلى سليمة، وياريت كل بنت تاخد بالها من نفسه،ا احنا بقينا ف بلد بنت (….)، مافيش فيها آمان، والناس بقيت (…) من ال(….) بمعنى الكلمة”.
وواستكملت الفتاة الضحية: “النهاردة في عز الضهر أنا كنت هتخطف بكل سهولة، الموضوع بدأ إني ركبت توك توك كنت لوحدى فيه، ولستر ربنا ببص في المرايا لاقيت أطفال قاعدين ورايا”.
وتابعت “سمية”: “أنا لمده ثوانى عقلى اتشل، اتشل بمعنى الكلمة، اللى هو ازاى دول قعدين وأنا أصلا لوحدى، ببص ورايا لقيت 3 بنات قعدين في المكان اللى بيكون ورا ده، وبمجرد ما بصيت عليهم كان اترش عليا حاجه خلتنى مش قادره أتكلم”.
واستطردت: “فجأة اتحولت كل حاجة حواليا لصدى صوت، بحمد ربنا إن أنا رميت نفسى من التوك توك، ورميت نفسي ازاى أنا معرفش، معرفش لحد دلوقتى ده حصل ازاى، الحمد الله الحمد الله يارب إنك ماوجعتش قلب أهلى عليا”.