مرتضى منصور يهدد كريم حسن شحاته

شن مرتضى منصور رئيس نادي الزمالك هجومًا لاذعًا على كريم حسن شحاتة، ومحمد الأمين مالك قنوات CBC وأحمد سويلم رئيس شركة تلي سيرف ومحمد كامل رئيس شركة برزنتيشن قائلًا، "أنا رئيس نادي الزمالك لما بعوز أرد على أخبار كاذبة وتقولي لأ أصل في مقاطعة، أقسم بالله يا كريم يا حسن شحاتة أنت وأون تي في والحياة البنفسيجية لو مطلعتش قبل ماتش الدوري والكأس اللي جي ما في كاميرا هاتخش".
تابع منصور، "مش ممكن رئيس النادي عاوز يرد وأكلم رئيس القناة إيهاب جلال ويقولي أصل احنا مقاطعينك بس ماتكذبش ومتكتفنيش لأ أنا هعرف أكتفك، ولا أحمد سويلم ولا ميت أم أحمد سويلم يقدر يدخل كاميرا، ولا محمد كامل ولا ميت أم محمد كامل يقدر يدخل كاميرا، وأنا بقول أهو أدام العالم في العلن، أنا عندي قرار جمعية عمومية بمقاطعة القنوات اللي مقاطعة رئيس الزمالك بالقانون، محمد كامل هاتعيط هاتتنطط هاتلطم مش هدخلك كاميرات وخليكو ماشين ورا محمد الأمين أعودو ماشين ورا".
واصل منصور حديثه، "كلامي واضح مش ممكن ألاقي امبارح كريم يقول مش ممكن رئيس النادي يقوله ماتلاعبش شيكابالا يابني ده مسجل وأقوله طب أنا عاوز أرد يقولي لأ أصل انت ملكش رد أصلنا مقاطعينك، طب مش أنتوا مقاطعني، طب أنا مش هخلك كاميراتك، ده قرار جمعية عمومية واللي مش عاجبه يغبط دماغه في الحيطة، لا هتذيع دوري ولا كأس".
اختتم حديثه، "بقول تاني أهو الراجل فيكو يدخل كاميرا فاهم يا محمد كامل فاهم يا أحمد يا سويلم وبعدين يا أحمد يا سويلم مش انت اشتريت الكأس من اتحاد الكرة، أنا عندي اللائحة واضحة ممنوع يا استاذ الا لما تاخد تفويض من لجنة الأندية اللي انا رئيسها وانت مأخدتش وده باطل، تعالا يامحمد كامل انت راجل مقاطع رئيس النادي ياللي انت بترعى النادي اللي أنا رئيسه بترعني ازاي وانت بتشتمني وتقولي يامامي أصل أنا خايف من محمد الأمين أصل رباب وسناء يزعلو".