«مشاكله كلها بعد اتنين بالليل».. مجدي عبدالغني ينتقد إمام عاشور: «بتنام إمتى؟»

انتقد مجدي عبدالغني نجم فريق كرة القدم الأول بالنادي الأهلي، سابقا، اللاعب إمام عاشور، نجم وسط المارد الأحمر.
وقال عبدالغني في تصريحات عبر قناة «الشمس»: «لما تيجي تكلمني على إمام عاشور كلاعب أقولك لاعب كبير لاعب أكتر من رائع وليه لمسات رائعة جدا لاعب في كرة القدم له طعم مختلف».
وتابع: «لكن عنده مشاكل، يعني خناقة في مول اعتداء على حد، وحاجات مش المفروض ينخرط فيها ويركز بس في الكورة»، مضيفا: «إمام مش بيروح المول مثلا علشان يتخانقش أو يتلكك للناس حتى لو ضايقوه، ولازم يكون عنده هدوء ومشاكله كلها بعد 2 باليل يعني بينام إمتى؟».